રૂપિયો 19 પૈસા મજબૂત થઈને ડોલર સામે 72.42 પહોંચ્યું

આજે રૂપિયો ડોલર સામે થોડો સારો ચાલી રહ્યો છે. ગુરુવારે રૂપિયો 19 પૈસા મજબૂત થઈને 72.42 રૂપિયા પ્રતિ ડોલર પર ખુલ્યો છે. જયારે બુધવારે રૂપિયો 72.61 પ્રતિ ડોલર પર બંધ થયો હતો. સરકાર ઘ્વારા 19 આઈટમ પર ઈમ્પોર્ટ ટેરિફ વધારવાની ઘોષણા પછી રૂપિયાને મદદ મળી છે. જયારે ક્રૂડની કિંમત વધવા, ટ્રેડ વોર, ડોલરની મજબૂતી, ઘરેલુ સ્તરે આયાત ઘટવી અને રાજનૈતિક અસ્થિરતા જેવા ફેક્ટરને કારણે રૂપિયા પર સતત દબાવ બની રહ્યો છે.

આપને જણાવી દઈએ કે સરકારે 19 નોન એસેન્સિયલ આઈટમ પર ઈમ્પોર્ટ ટેરિફ વધારવાની ઘોષણા કરી છે તેના પછી રૂપિયામાં મજબૂતી દેખાઈ રહી છે. આજે શેરબજારમાં પણ થોડા અંશે વધારો દેખાઈ રહ્યો છે. શરૂઆતી કારોબારમાં સેન્સેક્સ અને નિફટી ગ્રીન નિશાન સાથે ખુલ્યા છે. એટલું જ નહીં પરંતુ કમોડિટી બજારમાં પણ સારા સંકેત દેખાઈ રહ્યા છે.

આ પણ વાંચો: સરકારે વધારી ઈમ્પોર્ટ ડ્યુટી, ફ્રિઝ, એસી, વોશિંગ મશીન સહિત 19 વસ્તુઓ મોંઘી

એક દિવસની રાહત પછી આજે પેટ્રોલ અને ડીઝલની કિંમતો બધા જ શહેરોમાં વધારી દેવામાં આવી છે, જેને કારણે સામાન્ય માણસોને ઘણી મુસીબત પડી રહી છે.

આ પણ વાંચો: SBI ખાતાધારકો સાવધાનઃ આ 5 ભૂલ કરી તો ખાતું થઈ જશે ખાલી, બેન્કે આપ્યું એલર્ટ

આ અઠવાડિયે બુધવારે રૂપિયો જ્યાં 72.61 રૂપિયા પ્રતિ ડોલર પર બંધ થયો હતો. જયારે મંગળવારે રૂપિયો 72.69 પર બંધ થયો હતો અને સોમવારે રૂપિયો 43 પૈસાના ઘટાડા સાથે 72.63 પર બંધ થયો હતો.

English summary

Rupee Opens Higher At 72.42