પ્રોફિટ બૂકિંગથી સેન્સેક્સમાં નરમાઇ

મુંબઇ, 11 ઑક્ટોબર : આજે દિવસની શરૂઆતમાં બીએસઇનો બેન્ચમાર્ક સેન્સેક્સ 62 પોઇન્ટના ઘટાડા સાથે ખૂલ્યો હતો. છેલ્લા બે સેશનમાં તેજી જનારા રોકાણકારોએ આજે સવારે પ્રોફિટ બૂકિંગ કરતા માર્કેટ ઘટીને ખૂલ્યું હતું.

આજે સેન્સેક્સનો 30 શેર્સનો બેરોમીટર ગઇકાલના 215 પોઇન્ટના વધારા બાદ આજે 0.33 ટકા એટલે કે 62.38 પોઇન્ટ ઘટીને 18,729.55 પોઇન્ટ પર ટ્રેડ થઇ રહ્યો હતો. આ સેશનમાં ખાસ કરીને ઓઇલ, ગેસ, કેપિટલ ગૂડ્સ, બેંકિંગ, ઑટો અને મેટલ સેક્ટરના શેર્સમાં પ્રોફિટ બૂકિંગને કારણે નકારાત્મક વલણ જોવા મળ્યું હતું.

બીજી તરફ એનએસઇના બેંચમાર્ક નિફ્ટીમાં પણ 0.34 ટકાનો ઘટાડો જોવા મળ્યો છે. આજે સવારે નિફ્ટી 19.45 પોઇન્ટ ઘટીને 5,699.25 પોઇન્ટ પર ટ્રેડ થઇ રહ્યો હતો. બ્રોકર્સનું માનવું છે કે એશિયાના માર્કેટમાં નરમાઇ અને માર્કેટમાં પ્રોફિટ બૂકિંગના કારણે નકારાત્મક વલણ જોવા મળ્યું છે.

English summary

Sensex falls 62 pts in early trade on profit booking.