SRK પાસેથી મેળવો બિઝનેસ, ઇન્વેસ્ટમેન્ટ અને સેવિંગ્સની ટિપ્સ

બોલિવૂડના બાદશાહ શાહરૂખ ખાન આમ તો કિંગ એફ રોમાન્સ કહેવાય છે, પરંતુ આ સાથે જ તે એક હોંશિયાર બિઝનેસ મેન પણ છે.

By Shachi

Published: Sunday, May 7, 2017, 12:43 [IST]

બોલિવૂડના બાદશાહ શાહરૂખ ખાન આમ તો કિંગ્સ ઓફ રોમાન્સ કહેવાય છે, પરંતુ સાથે જ તે એક હોંશિયાર બિઝનેસ મેન પણ છે. બિઝનેસ, ઇન્વેસ્ટમેન્ટ અને સેવિંગ્સ ની અનેક ટિપ્સ તમે એમની પાસેથી મેળવી શકો છો. બોલિવૂડની ફિલ્મો અને જાહેરાતોમાંથી શાહરૂખ ખાન તગડી કમાણી કરે છે, એ કમાણીને બમણી કઇ રીતે કરવી એ શાહરૂખ પાસેથી શીખવા જેવું છે. તે પોતાની કમાણીનો મોટો ભાગ ઇન્વેસ્ટમેન્ટ માટે યૂઝ કરે છે.

અલગ-અલગ જગ્યાએ પૈસા રોકો

એક સફળ એક્ટરની સાથોસાથ તે એક સફળ બિઝનેસ મેન પણ છે. ફિલ્મો સિવાય તેમણે રમત-ગમત અને શિક્ષણ ક્ષેત્રોમાં પણ રોકાણ કર્યું છે. તેમની પોતાની ફિલ્મ પ્રોડક્શન અને ડિસ્ટ્રીબ્યૂશન કંપની પણ છે, રેડ રિલી. સાથે જ પોસ્ટ-પ્રોડક્શન અને વિઝ્યૂઅલ ઇફેક્ટ્સ(વીએફએક્સ) યુનિટ પણ છે. કલકત્તા નાઇટ રાઇડર્સની આઇપીએલ ફ્રેન્ચાઇઝીમાં પણ તેમનો ભાગ છે.

ઉધારને કહો 'ના'

શાહરૂખ ખાનની ફિલ્મો તથા પ્રોજેક્ટમાં પૈસા લગાવવા અનેક લોકોની લાઇન લાગે છે, પરંતુ શાહરૂખ ખાન પોતાની ફિલ્મો માટે ફાઇનાન્સર નથી શોધતાં. તેમનું માનવું છે કે, બને તો ઓછા પૈસામાં કામ ચલાવી લેવું, પરંતુ ઉધાર ન લેવું જોઇએ. તેઓ શેર માર્કેટમાં પણ સીધું રોકાણ કરવાનું પસંદ નથી કરતાં.

વેસ્ટ ઇન્ડિઝમાં પણ ક્રિકેટ લીગ ટીમ

શાહરૂખ ખાન બે દશકથી પણ વધુ સમયથી ફિલ્મ ઇન્ડસ્ટ્રીમાં છે, તેણે ફિલ્મોમાં અનેક ઉતાર-ચડાવ જોયા છે. પરંતુ આ કારણે તેમની આર્થિક પરિસ્થિતિ પર ક્યારેય જોખમ ઊભું નથી થયું. કારણ કે ફિલ્મો સિવાય પણ અનેક રીતે પૈસા કમાય છે. ભારત અને વેસ્ટ-ઇન્ડિઝમાં પણ તેમના માટે લીગ ક્રિકેટ ટીમ છે.

લકીરના ફકીર નથી શાહરૂખ ખાન

શાહરૂખ ખાનનું કહેવું છે કે, ફિલ્મ નિર્માણ ખૂબ જોખમભર્યું કામ છે, જેમાં સફળતાનો કોઇ ફિક્સ ફોર્મ્યૂલા નથી હોતો. આથી જ તેઓ સતત ફિલ્મો બનાવતા રહે છે, કારણ કે તે પોતાની ઇન્ડસ્ટ્રીને બરાબર સમજે છે અને ખૂબ સારી રીતે સમજે છે કે ક્યારેય પણ કંઇ પણ ક્લિક થઇ શકે છે. અહીં પોતાની જૂની ભૂલથી શીખવાનો તો કોઇ સવાલ જ નથી, કારણ કે આ બિઝનેસમાં કઇ વસ્તુ કામ કરશે અને કઇ નહીં, એ કોઇ નથી જાણતું.

{promotion-urls}

Published On May 7, 2017