Share Bazar : HDFC બેંકનો શેર 8 ટકા ઘટવાથી સેન્સેક્સ 1628 પોઈન્ટ તુટ્યો

સ્થાનિક ઇક્વિટી બેન્ચમાર્ક સેન્સેક્સ અને નિફ્ટી સત્ર દરમિયાન વેચાણના દબાણ હેઠળ રહ્યા અને આજે 2 ટકાથી વધુના ભારે નુકસાન સાથે બંધ થયા છે.

આ ઘટાડાનું મુખ્ય કારણ HDFC બેન્કની આગેવાની હેઠળના બેન્કિંગ શેરોમાં વેચવાલી છે. આજે ભારે ઘટાડાની સ્થિતિ એવી રહી કે વધતા 2 શૅર ઘટી રહ્યા હતા.

આજે શેરબજારમાં ભારે ઘટાડાનાં મુખ્ય કારણો
વ્યાજદરમાં ઘટાડો કરવામાં વિલંબ અંગે ચિંતા
યુએસ બોન્ડ યીલ્ડ અને ડોલર ઇન્ડેક્સમાં વધારો
નબળા વૈશ્વિક સંકેત
HDFC બેન્કના ત્રીજા ક્વાર્ટરના દેખાવે રોકાણકારોને નિરાશ કર્યા છે

આજે સેન્સેક્સ લગભગ 1628.01 પોઈન્ટ ઘટીને 71500.76 પોઈન્ટની સપાટીએ બંધ રહ્યો. જ્યારે નિફ્ટી 460.30 પોઈન્ટના ઘટાડા સાથે 21572.00 પોઈન્ટની સપાટીએ બંધ રહ્યો હતો.

આ સિવાય બીએસઈમાં આજે કુલ 3,900 કંપનીના સોદા થયા, જેમાંથી લગભગ 1,318 શૅર્સ ઉછાળા સાથે અને 2,487 શૅર્સ ઘટાડા સાથે બંધ થયા. 95 કંપનીઓના શેરના ભાવમાં કોઈ ફરક નથી. આજે 284 શેરો 52 સપ્તાહના હાઈ લેવલે બંધ થયા છે.

આ સિવાય 17 શેરો તેમના 52 સપ્તાહના નીચલા સ્તરે બંધ થયા. સિવાય આજે 303 શેરમાં અપર સર્કિટ છે જ્યારે 337 શેરમાં લોઅર સર્કિટ છે. આ સિવાય આજે સાંજે ડોલર સામે રૂપિયો 7 પૈસાની નબળાઈ સાથે 83.14 રૂપિયા પર બંધ થયો.

English summary

Share Bazar: Sensex plunges 1628 points as HDFC Bank shares fall 8 percent