સહારાના સુબ્રતો રોયની થશે ધરપકડ, સુપ્રીમે કાઢ્યું વોરંટ

નવી દિલ્હી, 26 ફેબ્રુઆરીઃ આજે સહારા ગ્રુપના પ્રમુખ સુબ્રતો રોય સહારાને સુપ્રીમ કોર્ટમાં રજૂ થવાનું હતું, પરંતુ તેઓ ત્યાં પહોંચી શક્યા નહોતા. સહારાના ત્રણ નિદેશક અશોક ચૌધરી, વંદના ભાર્ગવ અને રવિશંકર દુબે જ સુપ્રીમ કોર્ટ પહોંચ્યા. તેવામાં સુપ્રીમ કોર્ટે સુબ્રતો રોય વિરુદ્ધ ધરપકડ વોરંટ જારી કર્યું છે. જેના કારણે તેમને ગમે તે સમયે ધરપકડ થઇ શકે છે.

સુપ્રીમ કોર્ટે બુધવારે સહારા સમૂહના પ્રમુખ સુબ્રતો રોય વિરુદ્ધ બિનજામીનપાત્ર વોરંટ જારી કર્યું છે. અદલાતે ગત સુનાવણીમાં રોયને વ્યક્તિગત રીતે કોર્ટમાં હાજર રહેવા નિર્દેશ આપ્યા હતાં જેને માનવામાં નિષ્ફળ રહેતાં તેમના વિરુદ્ધ આ આદેશ જારી કરવામાં આવ્યા હતા. સુબ્રતો રોયની અનુપસ્થિતિ પર સુપ્રીમ કોર્ટે કહ્યું કે અદલાતના હાથ બંધાયેલા છે. નોંધનીય છે કે, અદાલતમાં વ્યક્તિગત હાજરીમાં છૂટની સહારા સમૂહના પ્રમુખ સુબ્રતો રોયની અરજીને મંગળવારે ખારીજ કરી દેવામાં આવી. નિવેશકોને 20 હજાર કરોડ રૂપિયા પરત કરવાના મામલામાં ચૂકના સંબંધમાં તેમને વ્યક્તિગત રીતે બુધવારે કોર્ટમાં હાજર થવાનું હતું.

રોયના વકીલ રામ જેઠમલાણીએ કહ્યું કે, તેઓ ચુકવણી કરશે તથા તેમને કાલે કોર્ટમાં વ્યક્તિગત રીતે રજૂ થવાનો સમય આપવામાં આવ્યો છે, પરંતુ પીઠે કહ્યું હતુ કે રોયે તેમના આદેશોનું પાલન કર્યું નથી, તેથી તેમને બોલાવવામાં આવ્યા છે. કોર્ટે છેલ્લા દોઢ વર્ષ દરમિયાન સહારા સમૂહ દ્વારા તેમના આદેશોનું ઉલંઘન કરવામાં આવી રહ્યું હોવા અંગે પ્રશ્નો ઉઠાવ્યા હતા. કોર્ટે કહ્યું હતું કે આ સંપત્તિઓની સેબી હરાજી કરી શકે છે અને ઘન મેળવી શકે છે.

English summary

The Supreme Court today issued non bailable arrest warrant against Sahara Chief Subrata Roy for his failure to appear before it in connection with the case in which his two companies have been directed to refund Rs 20,000 crore to investors.