ટાટા હાઉસિંગ ગૂગલ ઓનલાઇન શોપિંગ ફેસ્ટમાં ઘર વેચશે
બેંગલોર, 10 ડિસેમ્બર : ઇ કોમર્સ માર્કેટને ધ્યાનમાં રાખીને ટાટા હાઉસિંગ દ્વારા તેના લક્ઝરી રેસિડેન્શિયલ પ્રોજેક્ટ્સને વેચવા માટે કંપનીએ આજથી શરૂ થઇ રહેલા ગૂગલ ઓનલાઇન શોપિંગ ફેસ્ટિવલની મદદધી બેંગલોરમાં રૂપિયા 150 કરોડની કિંમતના પ્રોજેક્ટ્સ વેચવાનો નિર્ણય લીધો છે.
કંપનીએ બેંગલોરમાં 5 એકર વિસ્તારમાં સ્વતંત્ર 75 મકાનો અને રો હાઉસનું નિર્માણ કરવાની છે. આ દરેક યુનિટની કિંમત રૂપિયા 3.5 કરોડથી શરૂ થવા જાય છે. આ અંગેના એક નિવેદનમાં ટાટા હાઉસિંગે જણાવ્યું છે કે 'ગૂગલના ઓનલાઇન શોપિંગ ફેસ્ટિવલ' (જીઓએસએફ - GOSF)માં 10થી 12 ડિસેમ્બર દરમિયાન ભાગ લઇને અમે અલ્ટ્રા લક્ઝરી પ્રોજેક્ટ - The Cascadesનું વેચાણ કરવા માંગીએ છીએ.
આ પ્રોજેક્ટ ઉપરાંત કંપની ભારતના વિવિધ પ્રદેશોમાં ચાલતા 7 પ્રોજેક્ટ્સના યુનિટ વેચાવાનું પણ આયોજન કરી રહી છે. આ માટે તેમણે ખાસ ઓફર પણ તૈયાર કરી છે. જેમાં વ્યક્તિ રૂપિયા 50,000ની બુકિંગ એમાઉન્ટ આપીને પોતાનું ઘર બુક કરાવી શકે છે. આ માટે તેમને 15 ટકા સુધીનો લાભ પણ કરી આપવામાં આવળશે.
આ ઉપરાંત ટાટા હાઉસિંગ અફોર્ડેબલ હાઉસિંગ ક્ષેત્રમાં પણ કામ કરી રહી છે. જેમાં મુંબઇના બોઇસર નજીક માત્ર રૂપિયા 16 લાખમાં એપાર્ટમેન્ટ્સ મળશે. આ એપાર્ટમેન્ટ બુક કરાવવા માટે માત્ર રૂપિયા 20,000નું બુકિંગ પેમેન્ટ રાખવામાં આવ્યું છે. કંપની અમદાવાદ, પુના, ચેન્નાઇ અને બેંગલોરમાં પણ રૂપિયા 32 લાખ સુધીના હાઉસિંગ પ્રોજે્ટ્સ પર કામ કરી રહી છે.
Click it and Unblock the Notifications
Sign in with Google
