રેકોર્ડ સ્તરે તુટ્યો રૂપિયો, ડોલરના મુકાબલે 42 પૈસા તુટી 80.38એ પહોંચ્યો
ભારતીય રૂપિયામાં મોટો ઘટાડો જોવા મળ્યો છે, જ્યાં ગુરુવારે સવારે કારોબાર શરૂ થતાની સાથે જ યુએસ ડૉલરની સરખામણીએ તે 42 પૈસા ઘટીને 80.38 પર આવી ગયો છે. આવી સ્થિતિમાં રૂપિયો અત્યાર સુધીના સૌથી નીચલા સ્તરે પહોંચી ગયો છે. આ પહે
ભારતીય રૂપિયામાં મોટો ઘટાડો જોવા મળ્યો છે, જ્યાં ગુરુવારે સવારે કારોબાર શરૂ થતાની સાથે જ યુએસ ડૉલરની સરખામણીએ તે 42 પૈસા ઘટીને 80.38 પર આવી ગયો છે. આવી સ્થિતિમાં રૂપિયો અત્યાર સુધીના સૌથી નીચલા સ્તરે પહોંચી ગયો છે. આ પહેલા બુધવારે ભારતીય રૂપિયો અમેરિકી ડૉલરના મુકાબલે 79.9750 પર બંધ થયો હતો, જ્યારે બુધવારે સવારે 79.79 પર ટ્રેડિંગ શરૂ થયું હતું. રૂપિયો નિમ્ન સ્તરે પહોંચતા જ વિપક્ષને કેન્દ્ર સરકાર પર પ્રહાર કરવાની તક મળી ગઈ છે.
વાસ્તવમાં બુધવારે ડૉલર ઇન્ડેક્સ 110.87 પર પહોંચી ગયો હતો, જે બે વર્ષનો સર્વોચ્ચ સ્તર છે. આ પછી, યુએસ સેન્ટ્રલ બેંક ફેડરલ રિઝર્વે વ્યાજ દરોમાં 0.75 ટકાનો વધારો કરવાની જાહેરાત કરી. મોંઘવારી પર કાબૂ મેળવવા માટે તેમણે આ પગલું ભર્યું છે. સતત ત્રીજા વધારા પછી બેંકનો બેન્ચમાર્ક ફંડ રેટ 3% થી વધીને 3.25% થયો છે. નિષ્ણાતોના મતે 2023 સુધીમાં વ્યાજ દર વધીને 4.6 ટકા થઈ શકે છે, જેની અસર સમગ્ર વિશ્વની અર્થવ્યવસ્થા પર પડશે.