Trai: લોકોને ખોટી માહિતી આપી રહ્યું હતું ટાટા સ્કાય

જો તમે ડીટીએચ ઓપરેટર ટાટા સ્કાયના ગ્રાહક છો તો તમારા માટે ખૂબ મહત્વપૂર્ણ સમાચાર છે. હકીકતમાં ટાટા સ્કાય પર તેના ગ્રાહકોને ગેરમાર્ગે દોરવાનો આરોપ લાગ્યો છે.

ટ્રાઇનો નવો ટેરિફ ઓર્ડર લાગુ થવામાં માત્ર થોડા દિવસો બાકી છે, પરંતુ ટાટા સ્કાયે પ્રેક્ષકો માટે હજુ પણ કોઈ પ્લાન ઓફર કર્યો નથી. કેટલાક દર્શકોએ આ વિશે ટેલિકોમ નિયમનકાર ટ્રાઇને ફરિયાદ કરી હતી.

આ ફરિયાદ પર ટ્રાઇએ ટાટા સ્કાયને નવા ટેરિફ ઓર્ડર સાથે સંકળાયેલ સ્ટેટસ પર રિપોર્ટ ફાઇલ કરવા કહ્યું છે. આ સિવાય ટ્રાઈનું એમ પણ કેહવું છે કે ટાટા સ્કાય લોકોને ખોટી માહિતી આપી રહ્યું છે. ટ્રાઇ અનુસાર, ટાટા સ્કાય કહે છે કે નવા નિયમો અમલમાં મૂકવાની તારીખ 1 ફેબ્રુઆરીથી આગળ લંબાવામાં આવી છે.

આ પણ વાંચો: ચિપ વાળા ATM કાર્ડના ચક્કરમાં ખાતામાંથી નીકળી ગયા લાખ રૂપિયા

નવો નિયમ 1 ફેબ્રુઆરીથી લાગૂ થશે

ટ્રાઇએ સ્પષ્ટતા કરી હતી કે નવા ટેરિફ ઓર્ડર લાગૂ થવાની તારીખ આગળ લંબાવાના સમાચાર ખોટા છે. ફરિયાદ મુજબ ટાટા સ્કાય તેના પ્રેક્ષકો બતાવી રહ્યું છે કે નવો ટેરિફ ઓર્ડર 1 ફેબ્રુઆરી લાગૂ થવાનો હતો પરંતુ તેને આગળ લંબાવામાં આવ્યો છે, પરંતુ તે સંપૂર્ણપણે ખોટું છે. ટ્રાઈએ આ તારીખ લંબાવી નથી અને નવો નિયમ 1 ફેબ્રુઆરીથી લાગુ થશે.

પસંદગીની ચેનલો માટે પે કરો

જોકે, ટ્રાઇના નવા ટેરિફ ઓર્ડર અનુસાર હવે દર્શકોને તે ચેનલ્સ માટે ચૂકવણી કરવી પડશે જે તેઓ જોવા માંગતા હોય. આ માટે બધા કેબલ અને ડીટીએચ ઓપરેટર્સને સૂચનો આપી દેવામાં આવ્યા છે કે તેઓ દર્શકોને તેમની પસંદગીની ચેનલ પસંદ કરવા માટે વિકલ્પ આપે. આ ઉપરાંત, તમામ ચેનલોની મહત્તમ કિંમતોને પણ તેમની વેબસાઇટ અથવા ટીવી સ્ક્રીન પર જ બતાવવામાં આવે.

20 થી 25 રૂપિયા પ્રતિ ચેનલ એક્સ્ટ્રા ચાર્જ

ટ્રાઇની નવી સિસ્ટમ હેઠળ ગ્રાહકને સેવાઓનો ઉપયોગ કરવા માટે એક નેટવર્ક ક્ષમતા ચાર્જ 130 રૂપિયા + જીએસટી ચૂકવવું પડશે. આ ગ્રાહકને આપવામાં આવતી 100 ચેનલોનો ચાર્જ છે.

આ 100 ચેનલોમાં ટીવી ઓપરેટરોએ પ્રસાર ભારતીની 24 ચેનલો ફરજિયાત રાખવી પડશે. અને જો કોઈ ગ્રાહક 100 થી વધુ ચેનલો સબ્સ્ક્રાઇબ કરવા માંગે છે, તો તેને ચેનલ દીઠ 20-25 રૂપિયા એક્સ્ટ્રા ચાર્જ તરીકે ચૂકવવા પડશે.

English summary

Trai Ask Tata Sky After Consumers Complaint About Trai Channel Price List