IPOમાં રોકાણ કરતા સમયે છુટક રોકાણકાર માટે રોકાણ મર્યાદા હોય છે?
અહીં એ જાણવું અત્યંત જરૂરી છે કે કેવી રીતે એક છુટક વેચાણકાર સ્ટોક માર્કેટમાં રોકાણ કરે છે ત્યારે તેને કેવી રીતે વ્યાખ્યાયિત કરવામાં આવે છે. આ એટલા માટે મહત્વનું છે કારણ કે કેટલીકવાર છુટક રોકાણકારોને આઇપીઓમાં ડિસ્કાઉન્ટ આપવામાં આવતું હોય છે.
ઉદાહરણ તરીકે તાજેતરમાં શિમારૂએ તેના આઇપીઓમાં છુટક રોકાણકારોને 5 ટકાનું ડિસ્કાઉન્ટ આપવાની જાહેરાત કરી છે.
છુટક રોકાણકારને કેવી રીતે વ્યાખ્યાયિત કરવામાં આવે છે?
એક છુટક રોકાણકારને શેર બજારમાં આવી રીતે વ્યાખ્યાયિત કરવામાં આવે છે. છુટક રોકાણકાર એ છે કે જે આઇપીઓમાં રૂપિયા 2 લાખ કરતા ઓછું રોકાણ કરે છે. આ કારણે રૂપિયા 2 લાખથી વધારે રોકાણ કરનારી વ્યક્તિને હાઇ નેટવર્થ ઇન્ડિવિજ્યુઅલ તરીકે ગણવામાં આવે છે.
આ કારણે જો આપે આઇપીઓ પર પ્રાપ્ત ઓફર્સ કે ડિસ્કાઉન્ટનો લાભ લેવો હોય તો આપે રૂપિયા 2 લાખ કરતા ઓછું રોકાણ કરવું જરૂરી છે. આમ છતાં આપ વધારે રકમ રોકાણ કરવા ઇચ્છો તો આપના સ્પાઉસ કે સંબંધીના નામે રોકાણ કરવાથી છૂટનો લાભ મળી શકશે.
છેલ્લા કેટલાક વર્ષો સુધી છુટક રોકાણકારની વ્યાખ્યા એવી હતી કે છુટક રોકાણકાર રૂપિયા 1 લાખથી ઓછું રોકાણ કરે છે. જો કે આ રકમ નાની હોવાનું કહેવામાં આવતા તેની લિમિટ વધારીને રૂપિયા 2 લાખ કરવામાં આવી હતી.
Click it and Unblock the Notifications
Sign in with Google
