Budget 2024 માં ખેડૂતોને શું મળશે? શું છે ખેડૂતોની અપેક્ષા?
લોકસભા ચૂંટણીમાં હાર બાદ ગઠબધનની એનડીએ સરકાર તેનું પહેલુ બજેટ લાવી રહી છે. આ બજેટ પર ખેડૂતોની ખાસ નજર છે.
અહેવાલો અનુસાર, કૃષિ ક્ષેત્ર અને ખાસ કરીને ખેડૂતો માટે આ બજેટમાં મોટી જાહેરાતો અપેક્ષિત છે. નાણામંત્રી નિર્મલા સીતારમણ 23 જુલાઈએ બજેટ રજૂ કરશે.
આ વર્ષની શરૂઆતમાં ફેબ્રુઆરીમાં રજૂ કરાયેલા વચગાળાના બજેટ 2024 દરમિયાન નાણાપ્રધાન નિર્મલા સીતારમણે ખેડૂતોને સંબોધતા કહ્યું હતું કે, દર વર્ષે સીમાંત અને નાના ખેડૂતો સહિત 11.8 કરોડ ખેડૂતોને PM હેઠળ નાણાકીય સહાય પૂરી પાડવામાં આવે છે. જ્યારે પીએમ પાક વીમા યોજના હેઠળ 4 કરોડ ખેડૂતોને પાક વીમો આપવામાં આવે છે.
નિર્મલા સીતારમણના અગાઉના બજેટ પર નજર કરીએ તો હવે ખેડૂતોને સરકાર પાસેથી ઘણી અપેક્ષાઓ છે. મોદી સરકાર આ બજેટમાં ખેડૂતો માટે ઘણી જાહેરાતો પણ કરી શકે છે.
પીએમ કિસાન સન્માન નિધિ
દેશના ખેડૂતો લાંબા સમયથી કિસાન સન્માન નિધિની રકમ વધારવાની માંગ કરી રહ્યા છે. આ બજેટમાં એવી અપેક્ષા છે કે પીએમ કિસાન સન્માન નિધિની રકમ વાર્ષિક 6,000 રૂપિયાથી વધારીને 8,000 રૂપિયા કરવામાં આવી શકે છે.
કિસાન ક્રેડિટ કાર્ડ
ખેડૂતોને આશા છે કે સરકાર આ બજેટમાં કિસાન ક્રેડિટ કાર્ડ હેઠળ ઉપલબ્ધ લોનની મર્યાદા વધારી શકે છે. હકીકતમાં હાલમાં કિસાન ક્રેડિટ કાર્ડ હેઠળ 3 લાખ રૂપિયા સુધીની કૃષિ લોન 7% વ્યાજ દરે ઉપલબ્ધ છે. આમાં 3% સબસિડીનો સમાવેશ થાય છે. એટલે કે સરકાર ખેડૂતોને 4% વ્યાજ દરે 3 લાખ રૂપિયાની લોન આપે છે.
પરંતુ વધતી જતી મોંઘવારી અને ખેતીના ખર્ચને જોતા ખેડૂતો ઈચ્છે છે કે સરકાર આ લોનની મર્યાદા 3 લાખ રૂપિયાથી વધારીને 4 થી 5 લાખ રૂપિયા કરે.
સૌર પંપ
સરકાર હાલમાં દેશભરના ખેડૂતોને સિંચાઈ માટે સબસિડીવાળા સોલાર પંપ આપે છે. આ સ્થિતિમાં ખેડૂતો માંગ કરી રહ્યા છે કે સોલાર પંપથી ઉત્પન્ન થતી વીજળીનો ઉપયોગ મિલો ચલાવવા, ઘાસચારો કાપવા અને ઘરેલું વપરાશ માટે પણ થઈ શકે, આ માટે સરકારે બજેટમાં કેટલીક જોગવાઈ કરવી જોઈએ.
રાષ્ટ્રીય કૃષિ વિકાસ યોજના
કેન્દ્ર સરકાર આગામી બજેટમાં નાણાકીય વર્ષ 2025 માટે રાષ્ટ્રીય કૃષિ વિકાસ યોજના (RKVY) માટે ખર્ચ લગભગ 10% વધારીને રૂ. 8,308.3 કરોડ કરે તેવી શક્યતા છે. RKVY યોજના 2007 માં કૃષિ મંત્રાલયના કૃષિ અને સહકાર વિભાગ હેઠળ શરૂ કરવામાં આવી હતી અને 100% કેન્દ્રીય સહાય સાથે રાજ્ય યોજના યોજનાને વધારાની કેન્દ્રીય સહાય (ACA) તરીકે લાગુ કરવામાં આવી હતી.
Click it and Unblock the Notifications
Sign in with Google
