Fact Check: શું હેલ્થ આઈડીના રજિસ્ટ્રેશન માટે સરકારે માંગ્યો પર્સનલ ડેટા? જાણો સચ્ચાઈ
એક મીડિયા પોર્ટલ પર એ દાવો કરવામાં આવ્યો છે કે સરકારે હેલ્થ આઈડીના રજિસ્ટ્રેશન માટે પર્સનલ માહિતી માંગી છે. જાણો સચ્ચાઈ શું છે.
નવી દિલ્લીઃ એક મીડિયા પોર્ટલ પર એ દાવો કરવામાં આવ્યો છે કે સરકારે હેલ્થ આઈડીના રજિસ્ટ્રેશન માટે પર્સનલ માહિતી માંગી છે. રિપોર્ટમાં કહેવામાં આવ્યુ છે કે ભારતીય લોકો પાસે હેલ્થ ડેટા પૉલિસીની સમીક્ષા માટે માત્ર એક સપ્તાહ બચ્યુ છે અને કેન્દ્ર સરકાર દ્વારા આવુ કરવુ અલોકતાંત્રિક છે. આ રિપોર્ટમાં આગળ કહેવામાં આવ્યુ છે કે આ યોજના હેઠળ લોકોની મેડિકલ, ફાઈનાન્સ, આનુવંશિક, જાતિ, ધર્મ અને રાજનીતિક વિશ્વાસ સંબંધિત માહિતી એકઠી કરવામાં આવશે. જ્યારે અમે આની તપાસ કરી તો માલુમ પડ્યુ કે આ રિપોર્ટ એકદમ ખોટો છે.
પીઆઈબીએ પણ આ રિપોર્ટને નકલી ગણાવી છે. પીઆઈબીનુ કહેવુ છે કે આ દાવો ખોટો છે અને સરકારે હેલ્થ આઈડી રજિસ્ટ્રેશન માટે આવી કોઈ માહિતી માંગી નથી. તમને જણાવી દઈએ કે 15 ઓગસ્ટે પ્રધાનમંત્રી નરેન્દ્ર મોદીએ 'નેશનલ ડિજિટલ હેલ્થ મિશન' (National Digital Health Mission)ની ઘોષણા કરી હતી. તેમણે પોતાના સ્વતંત્રતા દિવસના ભાષણ દરમિયાન નેશનલ ડિજિટલ હેલ્થ મિશન લૉન્ચ કર્યુ હતુ અને કહ્યુ હતુ કે આ ભારતના હેલ્થ સેક્ટરમાં નવી ક્રાંતિ લઈને આવશે. પ્રધાનમંત્રીએ કહ્યુ હતુ કે આ મિશન હેઠળ ટેકનિટના માધ્યમથી લોકોની મુશ્કેલીઓને ઘટાડવામાં આવશે.
આ સાથે જ પ્રધાનમંત્રીએ કહ્યુ હતુ કે હવે બધા ભારતીયોને ડિજિટલ હેલ્થ આઈડી મળશે. તમારા દરેક ટેસ્ટ, દરેક બિમારી, તમને કયા ડૉક્ટરે કઈ દવા આપી, ક્યારે આપી, તમારો રિપોર્ટસ શું હતો, આ બધી માહિતી એક હેલ્થ આઈડીમાં સમાહિત હશે. નેશનલ ડિજિટલ હેલ્થ મિશનના માધ્યમથી લોકોને તમામ મુશ્કેલીઓમાંથી મુક્તિ મળશે. આ મિશન આયુષ્માન ભારત પ્રધાનમંત્રી જન આરોગ્ય યોજના અંતર્ગત આવે છે. જે હેઠળ દરેક દર્દીને એક આઈડી કાર્ડ આપવામાં આવશે.
Media report has claimed that the government is asking for “sensitive personal data” for the registration of Health ID. This claim is fake. Information like name, year of birth, state, etc. are required while registering for Health ID: Press Information Bureau (PIB) pic.twitter.com/6ydF7hlH54
— ANI (@ANI) September 1, 2020
PM મોદીએ 10 રાજાજી માર્ગ જઈને પ્રણવ દાને આપી શ્રદ્ધાંજલિ
Fact Check
દાવો
સરકારે હેલ્થ આઈડી માટે માંગી પર્સનલ માહિતી
નિષ્કર્ષ
સરકારે હેલ્થ આઈડી માટે પર્સનલ માહિતી માંગી નથી.