ઐશ્વર્યા, વિદ્યા અને સોનિયા ગાંધી છે સૌથી વધુ સર્ચ કરવામાં આવેલી મહિલા

By Kumar Dushyant

Updated: Saturday, March 8, 2014, 15:18 [IST]

આજે આંતરરાષ્ટ્રીય મહિલા દિવસ છે એટલે કે વુમન્સ ડેના અવસર પર ગૂગલે 20 એવી સફળ ભારતી મહિલાઓની યાદી તૈયાર કરી છે જેમને ગૂગલ પર સૌથી વધુ સર્ચ કરવામાં આવી છે. આ યાદી જાન્યુઆરી અને ફેબ્રુઆરી સર્ચના આધારે તૈયાર કરવામાં આવી છે. આ યાદીમાં બૉલીવુડ, બિઝનેસ, રમત-ગમત અથવા રાજકીય ક્ષેત્રની બધી જ મહિલાઓનો સમાવેશ કરવામાં આવ્યો છે. યાદી અનુસાર સૌથી પ્રથમ સ્થાને બૉલીવુડ એક્ટ્રેસ ઐશ્વર્યા રાય બચ્ચન છે ત્યારબાદ વિદ્યા બાલનને સૌથી વધુ સર્ચ કરવામાં આવી છે જે આ લિસ્ટમાં બીજા ક્રમ પર છે.

ત્રીજા નંબર પર સોનિયા ગાંધી છે. બીજી તરફ ટોપ 20ની વાત કરવામાં આવે તો ગૂગલની યાદીમાં સાયના નેહવાલ, અને બોક્સર મેરી કોમ 17મા સ્થાને છે. આ યાદીમાં એકતા કપૂર છઠ્ઠા ક્રમે, ભારતની પ્રથમ મહિલા આઇપીએસ ઓફિસર કિરણ બેદી સાતમા ક્રમે, બિઝનેસમેન મુકેશ અંબાણીની પત્ની નીતા અંબાણી નવમા ક્રમે, બુકર પ્રાઇઝ વિજેતા અરૂધતી રોય 11મા ક્રમે, ફેશન ડિઝાઇનર રિતુ કુમાર 12મા સ્થાને, બૉલીવુડ અને સામાજિક કાર્યકર્તા શબાના આઝમી 13મા ક્રમે, ફેશન ડિઝાનર નીતા લુલ્લા 14મા ક્રમે, ફિલ્મકાર મીરા નાયર 15મા સ્થાને, પેપ્સીકોની સીઇઓ ઇંદ્રા નૂઇ 16મા ક્રમે, સોશિયલ તથા લેખક શોભા ડે 18મા ક્રમે અને એક્સિસ બેંકની સીઇઓ અને મેનેજિંગ ડાયરેક્ટર, શિખા શર્મા 19મા સ્થાને છે. આ યાદીમાં સૌથી છેલ્લે એટલે કે 20મા સ્થાને ઉત્તર પ્રદેશના મુખ્યમંત્રી અખિલેશ યાદવની પત્ની અને કન્નૌજથી સમાજવાદી પાર્ટીની સાંસદ ડિંપલ યાદવ.