Sheikh Hasina Net Worth: ઘર અને દેશ છોડીને ભાગેલા શેખ હસીના કેટલી સંપત્તિના છે માલિક?
Sheikh Hasina Net Worth: બાંગ્લાદેશના પૂર્વ વડાપ્રધાન શેખ હસીનાએ પોતાના પદ પરથી રાજીનામું આપ્યા બાદ તે દેશ છોડીને ભાગી ગયા હતા. સેનાએ હાલમાં દેશની કમાન સંભાળી લીધી છે. હવે બાંગ્લાદેશ આ બળવાને કારણે હેડલાઈન્સમાં છે.
તમને જણાવી દઈએ કે શેખ હસીનાની ગણતરી વિશ્વની સૌથી શક્તિશાળી મહિલાઓમાં કરવામાં આવે છે, હવે તે દેશ છોડવાને કારણે ચર્ચામાં છે. હવે આવી સ્થિતિમાં શેખ હસીના સાથે જોડાયેલા અનેક પ્રકારના સમાચાર સાંભળવા મળી રહ્યા છે.
તાજેતરમાં સમાચાર આવ્યા હતા કે શેખ હસીનાના ઘરે કામ કરતો નોકર પણ અમેરિકામાં રહે છે અને તેની પાસે 284 કરોડ રૂપિયાની સંપત્તિ છે. આવી સ્થિતિમાં, શું તમે જાણો છો કે શેખ હસીના પાસે કેટલી સંપત્તિ છે? અને તે કેટલી સંપત્તિ છોડીને ભાગ્યા છે?
બાંગ્લાદેશના પૂર્વ વડાપ્રધાન શેખ હસીનાએ દેશના ઈતિહાસમાં સૌથી લાંબા સમય સુધી પીએમ તરીકે સેવા આપી છે. હાલમાં તેમણે પોતાની ચોથી ટર્મ પૂરી કરી રહી હતી. તેમને વાર્ષિક 9,92,922.00 રૂપિયાનો પગાર મળતો હતો. તેમને દર મહિને 86 હજાર રૂપિયા પગાર મળતો હતો.
ચૂંટણી પંચને સોંપવામાં આવેલા એફિડેવિટ મુજબ શેખ હસીનાની કુલ સંપત્તિ 4 કરોડ 36 લાખ રૂપિયા છે. ચૂંટણી પહેલા આપેલા તેમના સોગંદનામા મુજબ, તેમણે વર્ષ 2022માં 1 કરોડ 7 લાખ ટાકા (બાંગ્લાદેશી ચલણ) કમાણી કરી હતી અને તેનો નોંધપાત્ર હિસ્સો કૃષિ ક્ષેત્રમાંથી આવે છે.
2018ની સરખામણીમાં કૃષિમાંથી તેમની આવકમાં અનેકગણો વધારો થયો છે. શેખ હસીનાના ઈન્કમ ટેક્સ રિટર્ન પ્રમાણે તેમની આવક 1 કરોડ 91 લાખ રૂપિયા છે. આ સિવાય શેખ હસીનાએ છેલ્લા ચાર વર્ષમાં કુલ 75 લાખ રૂપિયાના ફિક્સ્ડ ડિપોઝિટ અને સેવિંગ્સ બોન્ડ ખરીદ્યા છે.
ચૂંટણી એફિડેવિટમાં આપવામાં આવેલી માહિતી અનુસાર, તેઓ માછલીની ખેતીમાંથી પણ આવક મેળવે છે. તેની પાસે દાનમાં આપેલી કાર પણ છે. તેમના નામે 6 એકર ખેતીની જમીન છે. તે બીએ પાસ છે.
Click it and Unblock the Notifications
Sign in with Google
