Happy Rose Day 2024 : કેમ મનાવાય છે રોઝ ડે? જાણો ગુલાબ આપવા પાછળનું કારણ

By Desk

Published: Tuesday, February 6, 2024, 22:51 [IST]

વેલેન્ટાઈન વીક શરૂ થવા જઈ રહ્યું છે. આ વીકની શરૂઆત રોઝ ડે સાથે થાય છે. પહેલા દિવસે પ્રેમીઓ તેમની પ્રેમિકાને ગુલાબ આપીને તેની ઉજવણી કરે છે.

વેલેન્ટાઈન વીક 7 ફેબ્રુઆરીથી શરૂ થાય છે અને આ દિવસે પ્રેમીઓ એકબીજાને ગુલાબ આપીને પોતાની લાગણી વ્યક્ત કરે છે. માનવામાં આવે છે કે ગુલાબ આપવાની શરૂઆત તે સમયથી થઈ હતી જ્યારે ગુલાબને પ્રેમ અને રોમાંસનું પ્રતીક માનવામાં આવતું.

ગુલાબની સુગંધ અને સુંદરતાએ તેને એક આદર્શ ફૂલ બનાવ્યું છે અને લોકો તેને પ્રેમની લાગણી વ્યક્ત કરવા માટે પસંદ કરે છે. શું તમે જાણો છો કે પ્રેમમાં રહેલા લોકો માટે આ દિવસ કેવી રીતે શરૂ થયો?

રોઝ ડે ક્યારથી શરૂ થયો?
કહેવાય છે કે મુગલ બેગમ નૂરજહાંને લાલ ગુલાબ ખૂબ જ પસંદ હતા. નૂરજહાંને ખુશ કરવા જહાંગીર દરરોજ એક ટન તાજા લાલ ગુલાબ તેના મહેલમાં મોકલતો. તેમની આ લવ સ્ટોરી લોકોમાં ઘણી ફેમસ થઈ ગઈ.

રોઝ ડે સંબંધિત બીજી દંતકથા રાણી વિક્ટોરિયા યુગની છે. કહેવાય છે કે રાણી વિક્ટોરિયાએ પણ પ્રેમના પ્રદર્શન તરીકે તેના પતિ પ્રિન્સ આલ્બર્ટને ગુલાબ ભેટમાં આપ્યા હતા.

રોઝ ડે શા માટે?
આ દિવસે એકબીજાને ગુલાબ આપવા એ પ્રેમ વ્યક્ત કરવાની એક રીત છે. આ દર્શાવે છે કે તમે આ સંબંધને મહત્વ આપો છો. ઘણા લોકો માને છે કે આ દિવસ ફક્ત પ્રેમીઓ માટે જ છે, પરંતુ એવું નથી. તમે તમારા માતા-પિતા અથવા મિત્રો સાથે આ દિવસની ઉજવણી કરી શકો છો અને તેમને વિશેષ અનુભવ કરાવી શકો છો.

ગુલાબના રંગોનો અર્થ
લાલ ગુલાબ - પ્રેમ વ્યક્ત કરવા માટે
સફેદ ગુલાબ - ફરિયાદો ભૂલી જવા માટે
ગુલાબી ગુલાબ - તમે તમારા શ્રેષ્ઠ મિત્રને આપીને તમારી મિત્રતાને વધુ ગાઢ બનાવી શકો છો
કેસરી રંગનું ગુલાબ- કોઈ વ્યક્તિને કેસરી રંગનું ગુલાબ આપીને તમારી રુચિ વ્યક્ત કરો
પીળું ગુલાબ - જો તમે કોઈની સાથે મિત્રતા કરવા માંગો છો, તો તેને પીળું ગુલાબ આપો.

Published On February 6, 2024