સાંસદ અને ધારાસભ્યોને કેટલો પગાર મળે છે? જાણો કેવી કેવી સુવિધા મળે છે?
ભારતમાં ચૂંટાયેલા પ્રતિનીધિઓને ચોક્કસ પગાર આપવામાં આવે છે. ભારતમાં સરપંચથી લઈને સાંસદ તમામ પદો પર પગાર મળે છે. આમાંથી સૌથી વધુ ચર્ચા ધારાસભ્યો અને સાંસદોના પગારની થાય છે.
સંસદ સભ્યોને આપવામાં આવતો પગાર અને સુવિધાઓ મેમ્બર ઓફ પાર્લામેન્ટ એક્ટ 1954 હેઠળ આપવામાં આવે છે. જો કોઈ સાંસદ રાજીનામું આપીને ધારાસભ્ય બને તો સાંસદ તરીકે મળતા પગાર, ભથ્થા અને સુવિધાઓમાં ઘટાડો થાય છે.
ભથ્થાં અને પેન્શન (સુધારા) અધિનિયમ 2010 મુજબ સંસદ સભ્યોને દર મહિને 50,000 રૂપિયા પગાર મળે છે. આ સિવાય સંસદ સભ્યને ઘણા પ્રકારના ભથ્થા અને લાભો આપવામાં આવે છે. આ સાંસદોને દર મહિને મતવિસ્તાર ભથ્થું પણ આપવામાં આવે છે, જે 45,000 રૂપિયા છે.
સંસદના દરેક સભ્યને સત્ર માટે અને ગૃહના કોઈપણ કામ માટે મુસાફરી કરવા માટે પ્રતિ કિલોમીટર 16 રૂપિયાનું ભથ્થું આપવામાં આવે છે. સાંસદોને રેલવે દ્વારા મફત મુસાફરી કરવા માટે પાસ પણ આપવામાં આવે છે.
આ પાસથી તે ટ્રેનની ફર્સ્ટ ક્લાસ એસી સીટ મેળવી શકો છો. સાંસદોને જ્યારે તેઓ કામ માટે વિદેશ જાય છે ત્યારે તેમને ભથ્થું આપવામાં આવે છે. એક્ટ મુજબ સભ્યને દર મહિને 60 હજાર રૂપિયા ઓફિસ ખર્ચ પણ મળે છે.
બીજી તરફ જો કોઈ સાંસદ ધારાસભ્ય બને તો સંસદીય પગાર, ભથ્થા અને પેન્શન એક્ટની કલમ 8AA મુજબ ટ્રેનમાં મફત મુસાફરી કરવાની સુવિધા આપવામાં આવે છે. તેમજ કેન્દ્ર સરકારની આરોગ્ય યોજના હેઠળ ભૂતપૂર્વ સાંસદોને પણ વર્તમાન સંસદ જેવી જ સુવિધાઓ મળે છે.
સાંસદોની જેમ ધારાસભ્યોને પણ ઘણી સુવિધાઓ મળે છે, પરંતુ આ સુવિધાઓ રાજ્ય પ્રમાણે અલગ-અલગ હોય છે. છત્તીસગઢ ટોચના 5 રાજ્યોમાં સામેલ છે, જે ધારાસભ્યોને સૌથી વધુ પગાર આપે છે. અહીંના ધારાસભ્યનો પગાર મહિને 1.60 લાખ રૂપિયા છે.
આ ઉપરાંત હવાઈ અને રેલ યાત્રા માટે 15000 રૂપિયા અને 4 લાખ રૂપિયાની મેડિકલ સુવિધા પણ આપવામાં આવે છે. રાજસ્થાનમાં ધારાસભ્યને મહિને 40 હજાર રૂપિયા પગાર મળે છે. આ સિવાય મતવિસ્તાર ભથ્થા તરીકે દર મહિને 70 હજાર રૂપિયા આપવામાં આવે છે.
Click it and Unblock the Notifications
Sign in with Google
