Lok Sabha Election 2024 : વાત એ લોકસભા સીટની જ્યાં એક સાથે 11 ચંદુ ચૂંટણી લડવા મેદાનમાં ઉતર્યા હતા

દેશમાં લોકસભા ચૂંટણી યોજાઈ રહી છે. આઝાદી બાદથી લોકસભા ચૂંટણી યોજાતી રહી છે અને તેના ઇતિહાસમાં ઘણી રોચક વાતો ભરેલી પડી છે.

દેશની પાર્ટીઓ લોકસભા ચૂંટણી 2024 માટે પ્રચારમાં વ્યસ્ત છે. રાજકીય પક્ષો ઉપરાંત ઘણા અપક્ષ ઉમેદવારો પણ ચૂંટણીમાં પોતાનું નસીબ અજમાવી રહ્યા છે. આજે અમે એક એવી જ રસપ્રદ કહાની જણાવી રહ્યાં છે.

તમને જાણીને નવાઈ લાગશે કે એક ચૂંટણીમાં એક નહીં, બે નહીં પરંતુ એક જ નામના 11 ઉમેદવારો ચૂંટણી મેદાનમાં હતા. ચંદુ લાલ સાહુ ભારતના ચૂંટણી ઇતિહાસનું ચર્ચીત નામ છે.

આ નામ એટલા માટે ખાસ છે કારણ કે વર્ષ 2014માં છત્તીસગઢની મહાસમુંદ સીટ પર આ જ નામના 11 ઉમેદવારોએ ચૂંટણી લડી હતી. જેના કારણે આ બેઠક ભારે ચર્ચામાં આવી હતી.

ચંદુ લાલ સાહુના 11 ઉમેદવારોએ મહાસમુંદ બેઠક પરથી ચૂંટણી લડી હતી. દરેકનું નામ સરખું હોવાથી સામાન્ય મતદારોને પણ આશ્ચર્ય થયું કે લોકસભાની ચૂંટણીમાં કેટલા ચંદુ લાલો ઊભા છે?

વર્ષ 2014માં વરિષ્ઠ નેતા અજીત જોગી છત્તીસગઢની મહાસમુંદ સીટથી કોંગ્રેસના ઉમેદવાર હતા. આ બેઠક પરથી ચંદુ લાલ સાહુ ભાજપ તરફથી ચૂંટણી લડી રહ્યા હતા. ચૂંટણી વધુ રસપ્રદ બની હતી જ્યારે ભાજપના ઉમેદવાર ચંદુલાલ સાહુ સિવાય એક, બે કે ત્રણ નહીં પરંતુ 10 વધુ ઉમેદવારો પણ સામે આવ્યા.

બાકીના 10 ચંદુલાલ સાહુ અપક્ષ ઉમેદવારો હતા. જેમના ચૂંટણી ચિહ્નોમાં બલૂન, સીલિંગ ફેન, બેટ, ઓટો રિક્ષા, બ્રેડ, ટીવી, બેટ, બેલ્ટ, બ્લેકબોર્ડ અને બોટલ હતા. એટલું જ નહીં ભાજપે ચંદુ લાલ સાહુ નામના 10 ઉમેદવારોને લઈને કોંગ્રેસ પર અનેક આરોપો લગાવ્યા હતા.

આ સમયે ભાજપે કહ્યું હતું કે કોંગ્રેસ અજીત જોગીને ફાયદો કરાવવા માંગે છે જ્યારે તેના ઉમેદવારના નામ સાથે અન્ય લોકો ચૂંટણી લડી રહ્યા છે. એટલું જ નહીં, ભારતીય જનતા પાર્ટી આ મામલે ચૂંટણી પંચ સુધી પહોંચી હતી.

આ સાથે ભાજપે ચૂંટણી પંચમાં ફરિયાદ કરી કે ચંદુ લાલ સાહુ નામના અન્ય ઉમેદવારોના નામાંકનને ફગાવી દેવામાં આવે. લોકસભા 2014ની મહાસમુંદ બેઠક માટે જ્યારે ચૂંટણી પરિણામો આવ્યા ત્યારે કોંગ્રેસના અજીત જોગીને કારમી હારનો સામનો કરવો પડ્યો હતો. ભાજપના ચંદુલાલ સાહુનો વિજય થયો હતો.

English summary

It was about the Lok Sabha seat where 11 Chandus entered the field to contest the elections