Kargil Vijay Diwas : જ્યારે ભારતે કારગિલમાં રવિના ટંડન બોમ્બનો વરસાદ કર્યો, જુઓ ફોટો

Kargil Vijay Diwas : કારગિલ યુદ્ધમાં પાકિસ્તાનને શરમજનક હાર અને ભારતની જીતને આજે 25 વર્ષ પુરા થયા છે. ભારતભરમાં વિજય દિવસની ઉજવણી કરવામાં આવી રહી છે.

વિજય દિવસની ઉજવણી વચ્ચે અમે તમને ભારતીય સેનાની બહાદુરીનો એક કિસ્સો જણાવવા જઈ રહ્યાં છીએ. આ કિસ્સો રવિના ટંડન સાથે જોડાયેલો છે.

26મી જુલાઈએ ભારત કારગિલ વિજય દિવસની ઉજવણી કરી રહ્યું છે. આજે આપણે એ તમામ જવાનોની શહાદત અને બલિદાનને યાદ કરીએ છીએ, જેમના કારણે આજે કારગિલ ભારતનું અભિન્ન અંગ છે અને જેમણે પાકિસ્તાનીઓને જડબાતોડ જવાબ આપ્યો હતો.

આ લડાઈમાં બોલિવૂડ એક્ટ્રેસ રવિના ટંડનનું પણ કનેક્શન છે. તમને જાણીને નવાઈ લાગશે કે યુદ્ધ દરમિયાન ભારતીય સેનાએ પાકિસ્તાનના વડાપ્રધાનને જવાબ આપતાં રવિના ટંડનના નામે બોમ્બ ફેંક્યો હતો.

તમને સવાલ થતો હશે કે આખરે કારગિલ યુદ્ધ દરમિયાન રવિના ટંડનનું નામ કેમ સામે આવ્યું? જણાવી દઈએ કે આખી વાર્તા પાકિસ્તાનના તત્કાલિન વડાપ્રધાન નવાઝ શરીફ સાથે જોડાયેલી છે.

તે સમયે ભારતીય સેનાના જવાનોએ પાકિસ્તાની ઘૂસણખોરોને જડબાતોડ જવાબ આપ્યો હતો, પરંતુ આ દરમિયાન નવાઝ શરીફે એક ઈન્ટરવ્યુમાં ખુલાસો કર્યો હતો કે રવિના ટંડન તેમની ફેવરિટ એક્ટ્રેસ છે.

આ પછી 1999ના કારગિલ યુદ્ધ દરમિયાન જ્યારે ભારત અને પાકિસ્તાન સામસામે હતા ત્યારે પાકિસ્તાની સૈનિકોએ મજાકમાં ભારતીય સૈનિકોના મૃતદેહોના બદલામાં અભિનેત્રી રવિના અને માધુરી દીક્ષિતને પાકિસ્તાન મોકલવાની માંગ કરી હતી.

કારગિલ યુદ્ધ દરમિયાન ભારતીય વાયુસેનાએ પાકિસ્તાની સૈનિકોની માંગ પર એવો જવાબ આપ્યો કે પાકિસ્તાન તેને ક્યારેય ભૂલી શકે તેમ નથી. કારગિલ યુદ્ધ દરમિયાન ભારતીય વાયુસેનાએ પાકિસ્તાનમાં બોમ્બ ફેંક્યો હતો, જેના પર લખ્યું હતું કે, રવિના ટંડન તરફથી નવાઝ શરીફ માટે.

આ મિસાઈલ પર તેમના નામ સાથે દિલ અને તીર પણ બનાવવામાં આવ્યા હતા. તે દિવસોમાં આ ઘટનાની ચર્ચા માત્ર ભારત અને પાકિસ્તાનમાં જ નહીં પરંતુ સમગ્ર વિશ્વમાં થઈ હતી. આ ઘટનાની સાથે જ દરેક અખબારમાં બોમ્બનો ફોટો પણ છપાયો હતો, જેના પર લખ્યું હતું રવીના ટંડન તરફથી નવાઝ શરીફ માટે. આ ફોટો દુનિયાભરમાં છવાયા હતા.

English summary

Kargil Vijay Diwas : When India dropped Ravina Tandon bomb on Pakistan, see photo