ગાંધીનગર, 31 માર્ચ: હાલમાં દેશભરમાં ચૂંટણી રંગ ચડી ગયો છે. દરેક પાર્ટી અને તેના નેતાઓ લોકોને આકર્ષવા માટે અવનવા પેંતરા અપનાવી રહ્યા છે. જ્યારે આજના માસ કમ્યુનિકેશનના યુગમાં સોશિયલ મીડિયા ભારતીય રાજનીતિમાં મહત્વની ભૂમિકા અદા કરી રહ્યું છે, તેમજ દરેક રાજકરણીઓ માટે ફેસબુક અને ટ્વિટર અભિન્ન અંગ બની ગયું છે. આજના યુગમાં રાજકીય વિરોધીઓ વચ્ચેની મોટાભાગની લડાઇ ટ્વિટર અને ફેસબુક પર જ થઇ જાય છે અને સામાન્ય લોકો આ લડાઇમાં સીધા ભાગ પણ લઇ શકે છે. જોકે આ તો રોજની પ્રક્રિયા થઇ ગઇ.
અમારી પાસે એવા જાણીતા નેતાઓના નામ છે જેઓ હંમેશા ટ્વિટર પર એક્ટિવ રહે છે. અમે એવી આશા સેવીએ છીએ કે તેમની વચ્ચે વધુ તીવ્ર યુદ્ધ આ માઇક્રો બ્લોગિંગ સાઇટ્સ પર આકાર લે. અને તેનાથી સામાન્ય લોકોને એ જાણવા મળે તે તેમનો નેતા કેવો અને કેટલા પાણીમાં છે. વનઇન્ડિયા આપની માટે લઇને આવ્યું છે આપના ચહિતા નેતાઓએ કરેલું પહેલું ટ્વિટ.
જુઓ આ જાણીતા નેતાઓએ શું કર્યું હતું પહેલું ટ્વિટ.... અને સાથે સાથે જાણો તેઓ લોકસભા ચૂંટણી ક્યાંથી લડવાના છે...
મોદીએ ફેબ્રુઆરી 2009માં ટ્વિટર જોઇન કર્યું
ભાજપના વડાપ્રધાન પદના ઉમેદવાર નરેન્દ્ર મોદી ઉત્તર પ્રદેશના વારાણસી અને ગુજરાતના વડોદરાથી લોકસભા ચૂંટણી લડશે.
રાજનાથ સિંહે એપ્રિલ 2013માં ટ્વિટર જોઇન કર્યું
ભાજપના રાષ્ટ્રીય અધ્યક્ષ રાજનાથ સિંહ ઉત્તર પ્રદેશની લખનઉ બેઠક પરથી ચૂંટણી લડવાના છે.
નીતિશ કુમારે મે 2010માં ટ્વિટર જોઇન કર્યું
નીતિશ કુમાર બિહારના મુખ્યમંત્રી છે અને તેમણે હાલમાં એનડીએ સાથે પોતાનો છેડો ફાડી લીધો અને ત્રીજા મોર્ચા સાથે હાલ મિલાવ્યો છે.
ડેરેક ઓબ્રીએને માર્ચ 2010માં ટ્વિટર જોઇન કર્યું.
ડેરેક ઓબ્રીએન રાજ્ય સભાના સાંસદ છે.
બીએસ એદીયુરપ્પાએ ફેબ્રુઆરી 2014માં ટ્વિટર જોઇન કર્યુ હતું
યેદીયુરપ્પાએ ફરીથી ભાજપ સાથે હાલ મીલાવી લીધો છે અને તેઓ કર્ણાટકના શિમોગાથી ચૂંટણી લડશે.
દિગ્વિજય સિંહે સપ્ટેમ્બર 2011માં ટ્વિટર જોઇન કર્યું
કોંગ્રેસના જનરલ સેક્રેટરી દિગ્વિજય સિંહ નરેન્દ્ર મોદીની સામે વારાણસીથી ચૂંટણી લડે તેવી અટકળો છે.
લાલુ પ્રસાદ યાદવે જાન્યુઆરી 2014માં ટ્વિટર જોઇન કર્યું
લાલુ પ્રસાદ યાદવ હમણા ચારા કૌભાંડમાં જેલની હવા ખાઇને આવ્યા છે, અને બિહારની મોટા ભાગની લોકસભા બેઠકો તેઓ જીતશે એવો દાવો કરી રહ્યા છે. તેમણે આ વખતે તેમની દિકરી મીસા ભારતીને પણ પાટલીપુત્રથી ચૂંટણી મેદાનમાં ઉતારી છે.
અરવિંદ કેજરીવાલે નવેમ્બર 2011માં ટ્વિટર જોઇન કર્યું
અરવિંદ કેજરીવાલ આમ આદમીપાર્ટીના સંયોજક છે, તેમણે 49 દિવસ સુધી દિલ્હીના મુખ્યમંત્રી તરીકે કાર્ય પણ કર્યું છે. હવે તેઓ વારાણસીથી મોદીને પડકારી રહ્યા છે.
શશિ થરૂરે માર્ચ 2009માં ટ્વિટર જોઇન કર્યું હતું.
શશિ થરૂર કેરળના તિરુવનંતપુરમથી લોકસભાની ચૂંટણી લડશે.
અરુણ જેટલીએ ડિસેમ્બર 2013માં ટ્વિટર જોઇન કર્યું
અરુણ જેટલી લોકસભાની ચૂંટણી અમૃતસર પંજાબથી લડવાના છે.
સુષમા સ્વરાજે નવેમ્બર 2010માં ટ્વિટર જોઇન કર્યું
સુષમા સ્વરાજ લોકસભા ચૂંટણી મધ્યપ્રદેશના વિદિશામાંથી લડવાની છે.