Pitru Paksha 2023: પિતૃ પક્ષમાં શ્રાદ્ધ કરવાની પ્રથા કોણે શરુ કરી, શું છે તેનુ મહત્વ?

By Desk

Published: Thursday, September 21, 2023, 11:59 [IST]

Pitru Pakshma Shradh Kone Sharu Karya: આસો મહિનો ખૂબ જ મહત્વપૂર્ણ છે કારણ કે આ મહિનાના કૃષ્ણ પક્ષમાં પિતૃઓનુ તર્પણ કરવામાં આવે છે, જેનાથી પિતૃઓ પ્રસન્ન થાય છે અને તેમને મોક્ષ પણ પ્રાપ્ત થાય છે.

માન્યતા છે કે જેમના પૂર્વજો ખુશ નથી, તેમના બાળકો પણ ખુશ નથી રહી શકતા. આ બાળકો પર પિતૃ દોષ રહે છે. તેથી પિતૃઓને ખુશ રાખવા જરુરી છે અને તેમને ખુશ રાખવા માટે એ મહત્વપૂર્ણ છે કે તેમને કમસે કમ પિતૃ પક્ષ દરમિયાન તેમનુ તર્પણ કરવામાં આવે.

પિતૃપક્ષમાં તર્પણની શરૂઆત કોણે કરી હતી?

મહાભારતમાં તેનો ઉલ્લેખ છે. મહાભારતમાં અનુશાસન પર્વ નામનો એક અધ્યાય છે. આ પ્રકરણમાં પિતામહ ભીષ્મે પિતૃ પક્ષ દરમિયાન કરેલા તર્પણનો ઉલ્લેખ કર્યો છે. ભીષ્મ પાંડુના પુત્ર યુધિષ્ઠિરને કહે છે કે સૌ પ્રથમ અત્રિ મુનિએ મહર્ષિ નિમિને કહ્યું હતું કે આસો માસના કૃષ્ણ પક્ષમાં પિતૃઓનું શ્રાદ્ધ કરવાથી પિતૃઓ પ્રસન્ન થાય છે.

જો કે મૃત્યુ પછી શરીર પંચ તત્વોમાં વિલીન થઈ જાય છે પરંતુ આત્મા અમર છે. તે આત્મા, માયા મોહમાં વશીભૂત થઈને એક દિવસ તેના બાળકોને જોવા પૃથ્વી પર આવે છે. જેઓ મૃત્યુ પામ્યા છે એ તારીખે કૃષ્ણ પક્ષ દરમિયાન તેમનુ તર્પણ કરવામાં આવે તો તેઓ પ્રસન્ન થાય છે. આ પછી, મહર્ષિ નિમિએ તેમના પૂર્વજોનુ તર્પણ કર્યુ.

આ સાથે નિમી પિતૃ દોષમાંથી મુક્ત થઈ ગયા. જ્યારે મહર્ષિ નિમિએ અન્ય ઋષિઓને આ વાત કહી તો અન્ય ઋષિઓએ પણ તર્પણ આપવાનું શરૂ કર્યું. આ પછી તે એક પરંપરા બની ગઈ. ત્યારથી, લોકોએ આસો મહિનાના કૃષ્ણ પક્ષમાં તર્પણ આપવાનું શરૂ કર્યું, જેના કારણે કૃષ્ણ પક્ષને પિતૃ પક્ષ તરીકે પણ ઓળખવામાં આવ્યો.