Raj Kundra Pornography Case : ભારતમાં પોર્નોગ્રાફી જોવી કેટલો ગંભીર ગુનો? જાણો કેટલી સજા થઈ શકે?
Raj Kundra Pornography Case : પોર્ન ફિલ્મો બનાવીને કરોડો રૂપિયા બનાવનારા રાજ કુન્દ્રા ફરી એક વખત ચર્ચામાં છે. ઈડીએ તેના ઠેકાણાઓ પર રેડ કરી છે.
રાજ કુન્દ્રા અને તેની પત્ની શિલ્પા શેટ્ટીના ઠેકાણાઓ પર ઈડીએ પોર્નોગ્રાફી સાથે જોડાયેલા કેસમાં રેડ છે. વિવિધ 15 જગ્યા પર તપાસ થઈ છે.
રાજ કુન્દ્રા પર હોટશોટ નામની એપ બનાવીને પોર્ન સામગ્રીનું નિર્માણ અને વિતરણ કરવાનો આરોપ છે. આ એપ ગૂગલ અને એપલ સ્ટોર્સ પર ઉપલબ્ધ હતી, પરંતુ 2021માં કેસ નોંધાયા બાદ હટાવી દેવામાં આવી. ED આ મામલાની સઘન તપાસ કરી રહી છે.
આ પહેલા રાજ કુન્દ્રાની જુલાઈ 2021માં આ જ કેસમાં ધરપકડ કરવામાં આવી હતી. ફરીથી રાજ કુન્દ્રાના પરિસર પર EDના દરોડાને કારણે ભારતમાં પોર્નોગ્રાફી સંબંધિત કાયદાઓને લઈને ચર્ચા શરૂ થઈ ગઈ છે.
આ સ્થિતી વચ્ચે તમને એક સવાલ થતો હશે કે પોર્નોગ્રાફી કરવી એ કેટલો ગંભીર ગુનો છે અને ભારતમાં તેને લઈને શું કાયદા છે?
જુલાઈ 2021માં રાજ કુન્દ્રાની પોર્નોગ્રાફીના કેસમાં ધરપકડ કરવામાં આવી હતી. તેના પર આઈપીસીની કલમ 292 અને 296 હેઠળ અશ્લીલ સામગ્રી બનાવવા અને વેચવાનો આરોપ હતો. કલમ 420 હેઠળ વિશ્વાસ ભંગ અને છેતરપિંડીનો કેસ પણ નોંધવામાં આવ્યો છે.
આ સિવાય ઈન્ફોર્મેશન ટેક્નોલોજી એક્ટની કલમ 67 અને 67(A) હેઠળ ઈલેક્ટ્રોનિક માધ્યમ દ્વારા અશ્લીલ સામગ્રી અપલોડ અને ટ્રાન્સમિટ કરવાનો આરોપ છે.
મહિલાઓને લગતી અશ્લીલ ફિલ્મો બનાવવા, વેચવા અને પ્રસારિત કરવાનો કેસ પણ મહિલા અભદ્ર પ્રતિનિધિત્વ અધિનિયમ હેઠળ નોંધવામાં આવ્યો છે. આ આરોપો પોર્નોગ્રાફી રેકેટમાં તેની કથિત સંડોવણી સાથે સંબંધિત છે.
જણાવી દઈએ કે, ભારતમાં પોર્નોગ્રાફી સંબંધિત કાયદા સ્પષ્ટ અને કડક છે. અશ્લીલ સામગ્રીના નિર્માણ, વિતરણ અને પ્રસારણને રોકવા IPC અને અન્ય વિશેષ કાયદાઓ અસ્તિત્વમાં છે.
IPC ની કલમ 292 અને 293 હેઠળ અશ્લીલ સામગ્રીનું ઉત્પાદન, વેચાણ અને વિતરણ ગેરકાયદેસર છે. IT એક્ટ 2000 ની કલમ 67 અને 67A હેઠળ ઈલેક્ટ્રોનિક માધ્યમો દ્વારા અશ્લીલ સામગ્રી પ્રકાશિત અથવા પ્રસારિત કરવા બગલ દંડ અને જેલ પણ થઈ શકે છે.
મહિલાઓ સાથે અવિવેકપુર્ણ પ્રતિનિધિત્વ અધિનિયમ 1986 હેઠળ મહિલાઓને અભદ્ર રીતે દર્શાવતી સામગ્રી બનાવવી અને ફેલાવવી એ ગુનો છે. બાળ જાતીય શોષણ અધિનિયમ POCSO હેઠળ બાળકો સાથે સંકળાયેલી પોર્નોગ્રાફી પર કડક નિયંત્રણો મુકાયા છે.
જો કે પોર્ન જોવું ભારતમાં ગેરકાયદેસર નથી, તેના પર કોઈ સ્પષ્ટ કાયદો નથી. ભારતીય બંધારણની કલમ 21 દરેક નાગરિકને જીવન અને વ્યક્તિગત સ્વતંત્રતાનો અધિકાર પ્રદાન કરે છે. 2015 માં ભારતની સર્વોચ્ચ અદાલતે મૌખિક રીતે કહ્યું હતું કે ખાનગી રૂમમાં પોર્ન જોવું વ્યક્તિગત સ્વતંત્રતાના દાયરામાં આવે છે. આને રોકવા માટે કાયદા દ્વારા સ્થાપિત પ્રક્રિયાને જ અનુસરી શકાય.
જો કે પોર્નોગ્રાફીનું ઉત્પાદન, વિતરણ અને જાહેર પ્રદર્શન સંપૂર્ણપણે ગેરકાયદે છે. તેથી જ્યાં સુધી તમે તેને તમારી ખાનગી જગ્યામાં જોઈ રહ્યા છો તે કાયદાનું ઉલ્લંઘન નથી.
બીજી તરફ અંગત રીતે પોર્નોગ્રાફી જોવી એ ગુનો નથી, પરંતુ તેને દર્શાવવું અને પ્રસારિત કરવું કાયદાકીય દાયરામાં આવે છે. વ્યાપારી લાભ માટે આવી સામગ્રી બનાવવી, વિતરિત કરવી અથવા પ્રસારિત કરવી એ સંપૂર્ણપણે ગેરકાયદેસર છે.
Click it and Unblock the Notifications
Sign in with Google
