રામનવમી પર કરો રાશિ અનુસાર ભગવાન શ્રીરામની પૂજા

Updated: Saturday, March 28, 2015, 13:55 [IST]

ગોસ્વામી તુલસીદાસના રામચરિતમાનસ અનુસાર ચૈત્ર શુક્લની નવમી તિથિ તથા પુનર્વસુ નક્ષત્રના ચતુર્થ ચરણ અને કર્ક લગ્નમાં ભગવાન શ્રીરામનો જન્મ થયો. એવી માન્યતા છે કે ભગવાન રામનું નામ લેવા માત્રથી જ તમામ સમસ્યાઓનું નિદાન સંભવ છે. જો નિત્ય રામ સ્ત્રોત્રનો પાઠ કરવામાં આવે તો એવી કોઇ મનોકામના નથી જેને ભગવાન રામ પૂરી ના કરે. રામ સ્ત્રોત ભગવાન રામની ઉપાસના કરવા ખૂબ જ સરળ અને સહજ માધ્યમ છે, ચેત્ર માસની શુક્લ પક્ષની નવમીના રોજ પ્રભુ શ્રીરામનો જન્મ થયો હતો.

આ દિવસે જે વ્યક્તિ સાચા મનથી ભગવાન શ્રીરામનું સ્મરણ અને પૂજા-પાઠ કરે છે તેની તમામ મનોકામના પૂર્ણ થઇ જાય છે. આ દિવસે જો ભગવાન શ્રીરામને રાશિ અનુસાર ભોગ લગાવવામાં આવે તો તેઓ ખૂબ જ પ્રસન્ન થાય છે અને ભક્તોના તમામ કષ્ટોનું નિવારણ કરી દે છે.

આવો, જાણીએ કે કઇ રાશિના જાતકોએ શ્રીરામને શું ભોગ લગાવવો જોઇએ...