એક એવું શહેર જ્યાં 1 વર્ષ બાદ પહેલીવાર પહોંચશે સૂર્ય કિરણો

By Kumar Dushyant

Updated: Saturday, July 20, 2013, 16:34 [IST]

જુકાન, 20 જુલાઇ: ઠંડીમાં મીઠો મીઠો તડકો રાહતનો અહેસાસ કરાવે છે પરંતુ જો તમને કહેવામાં આવે કે દુનિયામાં એક શહેર એવું પણ છે જેને છેલ્લા 100 વર્ષોથી તડકો જોયો જ નથી તો કદાચ તમારા માટે વિશ્વાસ કરવું મુશ્કેલ બની જશે, પરંતુ આ સો ટકા સાચી વાત છે ગત સો વર્ષોથી નોર્વેના એક શહેર જુકાનના રહેવાસી શિયાળામાં તડકો નિકળવાની રાહ જોઇ રહ્યાં છે.

ઔદ્યોગિક શહેર જુકાન મધ્ય નોર્વેમાં સ્થિત એક સંકરી ઘાટીમાં વસેલું છે. પરંતુ આ વર્ષે સપ્ટેમ્બર મહિનામાં 100 વર્ષમાં પહેલીવાર શહેરીજનોને ઠંડીની ઋતુમાં પણ સૂર્યની કિરણોથી પોતાના ગરમ રાખવાનો અવસર મળશે. સમાચાર એજન્સી સિન્હુઆના અનુસાર જો બધુ જ બરાબર રહ્યું તો ઘાટીમાં વસેલા શહેરના કિનારે સ્થિત પહાડો પર 450 મીટરની ઉંચાઇ પર લગાવવામાં આવેલા મોટા મોટા કાચ દ્વારા સૂરજની કિરણો પરાવર્તિત થઇને જુકાનના ટાઉન હોલની ઠીક સામે સ્થિત મુખ્ય ચોક પર પહોંચશે.

ગત એક જુલાઇથી શરૂ થયેલા પહાડી પર કાચ લગાવવાનું કામ પુરું થઇ ગયું છે. સોમવારે ટેક્નિશિયનો અને કારીગરોએ 50 લાખ ક્રોનર (નોર્વેની મુદ્રા)ની પરિયોજનાને અંતિમ રૂપ આપ્યું હતું. કેટલાક દસકાથી જુકાનવાસીઓને ઠંડીની ઋતુમાં સુરજની કિરણો મેળવવા માટે કેબલ કાર ક્રોસ્સોબેનન માધ્યમથી પહાડી ઉપર જવું પડતું હતું. જુકાન પર્યટક કાર્યાલયના પ્રમુખ કેરીન રોએ જણાવ્યું હતું કે શહેરીજનો પહેલાંની જેમ કેબલ કારના માધ્યમથી પહાડ પર જવાનું ચાલુ રાખશે, પરંતુ મુખ્ય ચોક પર સૂર્યના કિરણો પહોંચ્યા બાદ ત્યાં ચહેલ-પહેલ વધવાની આશા છે.

શહેરના મુખ્ય અધિકારી રૂન લિયોડોઇને કહ્યું હતું કે ઠંડીમાં શહેર સુધી સૂર્યના કિરણો પહોંચાડવાનો વિચર એટલો જ જૂનો છે, જેટલું જૂનૂ આ શહેર છે. પરંતુ પહેલાં અમારી પાસે વિકસિત ટેક્નોલોજી ન હતી, માટે કેબલ કારનો વિકલ્પ અપનાવવામાં આવ્યો. પાંચ વર્ષો સુધી વાદ-વિવાદ પછી શહેરની અધિકારીક પરિષદે મોટા કાચ લગાવવા માટે અને પરિયોજના માટે 823,000 ડૉલરના નાણાંકીય રોકાણને મંજૂરી આપી.