લીલા પડી ગયેલા બટાકા ખાઈ રહ્યા છો તો સાવધાન, થઈ શકે છે આ ગંભીર બિમારી
બટાટા એ મોટાભાગના ઘરોમાં ખવાતી મુખ્ય આઈટમ છે. ઘણી વખત તમે બટાટાને આછા ગ્રીન થઈ ગયેલા જોવા મળ્યા હશે. તમે નહીં જાણતા હોય પરંતુ આ બટાટા હેલ્થ માટે ખતરનાક છે.
અમેરિકન વૈજ્ઞાનિકો મેરી મેકમિલન અને જેસી થોમ્પસનના એક રિસર્ચમાં ઘણા ખુલાસા થયા છે. આ રિસર્ચ અનુસાર, બટાટા લીલા હોવાનો મતલબ એ નથી કે તે જીવલેણ છે. પરંતુ તેની ઘણી આડઅસરો છે.
આ રિસર્ચ અનુસાર, 1979માં સાઉથ લંડનની એક સ્કૂલમાં 78 વિદ્યાર્થીઓ અચાનક બીમાર પડ્યા હતા. તેમને ઉલ્ટી, ઝાડા, પેટમાં દુખાવો, પેટમાં ખેંચાણ જેવી સમસ્યાઓ થવા લાગી. ઘણા તાવને કારણે બેભાન થઈ ગયા. આમાંથી કેટલા 5 દિવસમાં સંપૂર્ણ સ્વસ્થ થઈ ગયા. ઘણા વિદ્યાર્થીઓ અઠવાડિયા સુધી બિમાર રહ્યાં.
આ ઘટનાની તપાસ કરવામાં આવી ત્યારે જાણવા મળ્યું કે વિદ્યાર્થીઓને ગયા ઉનાળામાં સંગ્રહિત બટાટા ખવડાવવામાં આવ્યા હતા, જેમાં કળીઓ ફૂટી હતી. નિષ્ણાતે અનુસાર, આ કારણે જ ફૂડ પોઈઝનિંગ થયું. જ્યારે છોડ અંકુરિત થાય છે ત્યારે તેઓ એક ઝેરી પદાર્થ છોડે છે. આ તેમની સ્વ-રક્ષણ પ્રણાલીનો એક ભાગ છે, પરંતુ તે મનુષ્યો માટે જોખમી બની શકે છે.
અહેવાલ અનુસાર, પ્રકાશમાં રાખવામાં આવેલા બટાકા ક્લોરોફિલ ઉત્પન્ન કરે છે. આ પદાર્થ છોડ અને શેવાળને લીલો રંગ આપે છે. આ કારણે બટાકા પણ પીળા, આછા ભુરાથી લીલા રંગના થઈ જાય છે.
આ લીલો પદાર્થ બટાકાને લીલો રંગ આપે છે તે હાનિ રહિત છે. એટલા માટે તેને ખાવામાં કોઈ સમસ્યા નથી. પરંતુ લીલો રંગ સોલેનાઈન નામના ઝેરી પદાર્થની હાજરી પણ દર્શાવે છે. સોલેનાઇન એ ગ્લાયકોઆલ્કલોઇડ્સ તરીકે ઓળખાતો ઝેરી પદાર્થ છે.
1820માં પ્રથમ વખત તે નાઈટશેડ પ્રજાતિના ફળોમાં જોવા મળ્યું હતું. એગપ્લાન્ટ, ટામેટાં અને કેટલાક બેરી નાઈટશેડ પરિવારના સભ્યો છે. તેથી જ તેમાંના ઘણામાં અત્યંત ઝેરી આલ્કલોઇડ હોય છે. જ્યારે બટાકાને નુકસાન થાય છે અથવા સૂર્યપ્રકાશના સંપર્કમાં આવે છે ત્યારે તે વધુ સોલેનાઇન બનાવે છે.
બટાટા જેટલા લીલા હશે તેમાં સોલેનાઈનનું પ્રમાણ વધુ હોય છે. એટલા માટે બટાકાને કાપીને ખુલ્લા પ્રકાશમાં રાખવાની સલાહ આપવામાં આવતી નથી. સોલેનાઇનની હાજરીને કારણે બટાકા સ્વાદમાં કડવા બને છે. આનાથી મોં કે ગળામાં બળતરા થઈ શકે છે. આ જ કારણ છે કે યુરોપિયન દેશોમાં પ્રતિ કિલોગ્રામ બટેટામાં 100 મિલિગ્રામ ગ્લાયકોઆલ્કલોઇડ્સની મર્યાદા નક્કી કરવામાં આવી છે.
યુનાઇટેડ સ્ટેટ્સમાં 200-250 મિલિગ્રામ છે. જો બટાકામાં સોલેનાઈનનું સ્તર ખૂબ વધી જાય તો તે તમને બીમાર કરી શકે છે. કેટલાક દુર્લભ કિસ્સાઓમાં તે મૃત્યુ તરફ દોરી શકે છે.
Click it and Unblock the Notifications
Sign in with Google
