Liver Disease : આલ્કોહોલ ન પીતા હોવ તો પણ ખરાબ થઈ શકે છે લીવર, આ 4 બાબતોથી બચો
લીવર આપણા શરીરનો ખૂબ જ મહત્વપૂર્ણ ભાગ છે, તે પાચનથી લઈને લોહીને ફિલ્ટર કરવામાં મદદ કરે છે, સાથે જ તેના દ્વારા શરીરના રસાયણોને પણ ડિટોક્સ કરવામાં આવે છે.
Liver Disease : લીવર આપણા શરીરનો ખૂબ જ મહત્વપૂર્ણ ભાગ છે, તે પાચનથી લઈને લોહીને ફિલ્ટર કરવામાં મદદ કરે છે, સાથે જ તેના દ્વારા શરીરના રસાયણોને પણ ડિટોક્સ કરવામાં આવે છે. વાસ્તવમાં લીવર એક નહીં, પરંતુ ઘણી એવી વસ્તુઓ કરે છે, જે આપણા માટે ખૂબ જ મહત્વપૂર્ણ છે. જો આ અંગને નુકસાન થાય છે તો તેની અસર આખા શરીર પર પડે છે.
બીજી ઘણી વસ્તુઓ છે જે લીવરને નુકસાન પહોંચાડી શકે છે
જે લોકો વધુ આલ્કોહોલ પીવે છે, તેમનું લીવર ધીમે-ધીમે નબળું પડવા લાગે છે, પરંતુ જો તમે દારૂ પીતા નથી તો એવું ન વિચારો કે તમેસુરક્ષિત છો. ફેમસ ન્યુટ્રિશન એક્સપર્ટ નિખિલ વત્સે જણાવ્યું કે, બીજી ઘણી વસ્તુઓ છે જે લીવરને નુકસાન પહોંચાડી શકે છે.
અન્ય ઘણા ખોરાકથી પણ દૂર રહેવાની જરૂર છે
આલ્કોહોલનું સેવન સ્વાસ્થ્ય માટે બિલકુલ સારું નથી, કારણ કે તેના કારણે લીવર સડી જાય છે, તેના વ્યસનથી જેટલું વધુ અંતર રાખવામાંઆવશે, તેટલું સ્વાસ્થ્ય માટે સારું રહેશે, પરંતુ એવું ન વિચારો કે માત્ર દારૂ આપણા લીવરને નુકસાન પહોંચાડે છે. તમારે સાવચેતીરાખવાની તેમજ અન્ય ઘણા ખોરાકથી પણ દૂર રહેવાની જરૂર છે.
સુકા મેવા :
જો ડ્રાય ફ્રૂટ્સ મર્યાદિત માત્રામાં ખાવામાં આવે છે, તો તે તમને દરેક રીતે ફાયદો કરશે, પરંતુ તેને વધુ ન ખાઓ, કારણ કે તે ફેટી લીવરનુંકારણ બને છે અને લીવરને નુકસાન થવાનું જોખમ વધારે છે.
પેકેજ્ડ ફૂડ્સ :
ટેક્નોલોજીના વિકાસ અને લાંબા સમય સુધી ખાદ્યપદાર્થોને સાચવવાની ઈચ્છાને કારણે છેલ્લા કેટલાક દાયકાઓમાં પેકેજ્ડ ફૂડનું ચલણઝડપથી વધ્યું છે. ખાદ્યપદાર્થો સડી ન જાય તે માટે આ વસ્તુઓમાં મીઠું, ચરબી અને ખાંડનું પ્રમાણ રાખવામાં આવે છે, જે લીવરનાસ્વાસ્થ્યને અસર કરે છે.
રેડ મીટ :
એમાં કોઈ શંકા નથી કે રેડ મીટ પ્રોટીનનો ભરપૂર સ્ત્રોત છે, તેના સેવનથી સ્નાયુઓ મજબૂત બને છે, પરંતુ તેનું વધુ પડતું સેવન લીવરમાટે બિલકુલ સારું નથી. લીવર આ માંસમાંથી પ્રોટીનને યોગ્ય રીતે તોડી શકતું નથી, જેના કારણે તે ઝેરી બની જાય છે, જે સ્વાસ્થ્યને અસરકરે છે.
મીઠી વસ્તુઓ :
ડાયાબિટીસના દર્દીઓને મીઠી વસ્તુઓથી દૂર રહેવાની સલાહ આપવામાં આવે છે, પરંતુ શું તમે જાણો છો કે વધુ પડતી ખાંડ ખાવાથી પણલીવરને નુકસાન થાય છે. ખરેખર, લીવરની મદદથી ખાંડ ચરબીમાં પરિવર્તિત થાય છે અને જો તમે વધુ સ્વીટ ડીશનું સેવન કરો છો તોફેટી લીવર જેવી સમસ્યા થઈ શકે છે.