How to : પૈસા બચાવાના આ છે 5 સરળ રીતો

બચત કરવાની સરળ રીતો, જાણો અહીં વિગતવાર.

Published: Wednesday, June 21, 2017, 9:15 [IST]

દરેક લોકો તેવું ઇચ્છે છે કે તે પૈસા કમાય. પૈસા એવી વસ્તુ છે જે આવે તો સૌ કોઇને ગમે. જો કે પૈસા કમાવવાના નવા સ્ત્રોત ઉભા કરવાની સાથે જ પૈસા બચાવવા પણ ખૂબ જ જરૂરી છે. દરેક વ્યક્તિ પોત પોતાની જરૂરિયાતો મુજબ બચત કરે છે. ત્યારે આજે અમે તમને કેટલાક સરળ ઉપાયો જણાવી રહ્યા છીએ જે તમને બચત કરવામાં મદદ કરશે. તો જાણો કેવી કેવી રીતે તમે બચત કરી કમાણી કરી શકો છો...

બજેટ દર દિવસનું દર મહિનાનું

સૌથી પહેલા તો તમે એવો પ્લાન બનાવો કે જેમાં તમે પ્રતિ દિવસ અને પ્રતિ માહિનો બજેટ સામેલ કરી શકો. આ રીતનો પ્લાન રોજ બનાવો અને તેનું પાલન કરો. આમ કરવાથી તમે ખોટા ખર્ચો કરવાથી બચશો.

બેંકમાં ખાતું ખોલાવો

તમે બેંકમાં સેવિંગ ખાતું ખોલાવો જેમાં તમારા પગારમાંથી 500 થી 1000 રૂપિયા મહિને કપાવો. રીકરિંગ ડિપોઝિટ ખાતા સૌથી સારા હોય છે. તેના વ્યાજદર પણ સારા હોય છે અને એક રીતે તમારી ફોર્સ બચત પણ થાય છે.

ઓનલાઇન શોપિંગ

આજકાલ ઇન્ટરનેટનો જમાનો છે. ઓનલાઇન શોપિંગ પર અનેક રીતના ડિસ્કાઉન્ટ મળે છે. જેનાથી તમે બચત કરી શકો છો. પણ આ ઓનલાઇન સેલમાં ખરીદી કરતી વખતે ખાલી એક વાતનું ધ્યાન રાખજો કે તમારે જે જોઇએ છે તેની જ ખરીદી કરવી ખાલી સેલ છે કરીને કંઇ પણ નહીં લઇ લેવું.

ક્રેડિટ કાર્ડ

સામાન્ય રીતે અમુક લોકો ક્રેડિટ કાર્ડનો ખૂબ જ ઉપયોગ કરે છે. ક્રેડિટ કાર્ડમાં 1 લાખ સુધીની લિમિટ હોવાથી અનેક વાર લોકો વધુ પડતી ખરીદી કરતા હોય છે. પણ ઇમરજન્સી સિવાય આ વસ્તુનો ઉપયોગ કરવો નહીં.

બચત

બચત કરીને યોગ્ય રીતે રોકાણ કરવું પણ જરૂરી છે. લાંબી બચત પણ કરો અને ટૂંકી બચત પણ કરો. જે ટૂંકી બચત કરો છો તેને થોડા થોડા સમયે રોકાણમાં પરિવર્તિત કરો અને આ રીતે લાંબા સમયની બચત પણ કરો.

Published On June 21, 2017