CAT 2020: આજે IIM CAT પરીક્ષા લેવાશે, જાણો ગાઈડલાઈન્સ અને SOPs
CAT 2020: આજે IIM CAT પરીક્ષા લેવાશે, જાણો ગાઈડલાઈન્સ અને SOPs
નવી દિલ્હીઃ ભારતીય મેનેજમેન્ટ સંસ્થાન, ઈન્દોર કોમન એડમિશન ટેસ્ટ (CAT 2020) પરીક્ષાનું આજે આયોજન કરી રહ્યું છે. આ પરીક્ષા માટે 2.27 લાખ ઉમેદવારોએ રજિસ્ટ્રેશન કરાવ્યું છે. આઈઆઈએમ સહિત અન્ય સંસ્થાઓમાં પ્રવેશ માટે પરીક્ષા આયોજિત કરવામાં આવે છે. આ વર્ષે પરીક્ષાનું આયોજન બેને બદલે ત્રણ શિફ્ટમાં થઈ રહ્યું ચે અને પરીક્ષાનો સમય 2 કલાક છે. આપરીક્ષાનું આયોજન 159 શહેરમાં 430 પરીક્ષા કેન્દ્રો પર થઈ રહ્યું છે. જેને લઈ સંસ્થાન તરફથી ગાઈડલાઈન અને એસઓપી જાહેર કરવામાં આવી છે. આ ગાઈડલાઈનનું પાલન ઉમેદવારો, નિરીક્ષક અને અન્ય સ્ટાફે કરવું પડશે.
કેટ પરીક્ષા માટે કોવિડ 19 ગાઈડલાઈન અને એસઓપી
- પરીક્ષા એક પ્રકારે ટચ ફ્રી હશે, એટલે કે ઉમેદવારોને પ્રવેશથી લઈ પરીક્ષા કેન્દ્ર સુધી બહાર નિકળે ત્યાં સુધી સોશિયલ ડિસ્ટેન્સિંગનું પાલન કરવું પડશે.
- પરીક્ષા કેન્દ્રની અંદર પણ સોશિયલ ડિસ્ટેન્સિંગનું પાલન કરવું પડશે.
- વેન્યૂપર ભીડથી બચવા માટે ઉમેદવારોને તેમની ઈમેલ આઈડી અને મોબાઈલ નંબર પર ટાઈમ સ્લૉટ આપી દેવામાં આવશે.
- ગેટ બહાર બનેલ નિશાન અને રોપ ક્યૂઝનું બધાએ પાલન કરવાનું રહેશે.
- પરીક્ષા કેન્દ્ર બહાર પ્રવેશ દ્વાર પર ઉમેદવારોનું થર્મલ સ્ક્રીનિંગ થશે.
- તમામ ઉમેદવારોએ માસ્ક પહેરવું ફરજીયાત હશે. સાથે જ તેમણે ગ્લવ્સ અને હેન્ડ સેનેટાઈઝરની બોટલ પણ લાવવી પડશે.
તમામ ઉમેદવાર કેટ પરીક્ષા 2020 આપતા પહેલાં જરૂરી દિશા-નિર્દેશ જરૂર વાંચી લે. જણાવી દઈએ કે કેટ 2020 પરીક્ષા આઈઆઈએમના વિવિધ પોસ્ટ ગ્રેજ્યુએટ અને અન્ય કાર્યક્રમોમાં પ્રવેશ માટે આયોજિત કરવામાં આવે છે. કેટ 2020ના સ્કોરનો ઉપયોગ સૂચીબદ્ધ નૉન-આઈઈએમ મેમ્બર સંસ્થાન પણ કરી શકે છે. કેટની વેબસાઈટ પર આવા સંસ્થાનોની યાદી ઉપલબ્ધ કરાવવામાં આવી છે. જો કે બિન-આઈઆઈએમ સંસ્થાનોની પસંદગી પ્રક્રિયામાં આઈઆઈએમની કોઈ ભૂમિકા નથી હોતી.
ખેડૂત આંદોલન વચ્ચે આજે 11 વાગ્યે પીએમ મોદી કરશે 'મન કી બાત'