ખૂશ ખબર : મોટી ભરતી કરવાની તૈયારીમાં ગુજરાત સરકાર, ઘણા વિભાગોમાં આઉટ સોર્સિંગ બંધ થઈ શકે

ગુજરાતમાં લાંબા સમયથી કોન્ટ્રાક્ટ અને આઉટસોર્સિંગનો વિરોધ થઈ રહ્યો છે ત્યારે હવે રાજ્ય સરકાર આગામી સમયમાં આ મુદ્દે પણ નિર્ણય લઈ શકે છે. સમાચારો પર વિશ્વાસ કરીએ તો ગુજરાતમાંથી કોન્ટ્રાક્ટ પદ્ધતિ ખતમ કરવા બાબતે પણ વિચારણા

By Desk

Published: Tuesday, January 10, 2023, 20:16 [IST]

ગાંધીનગર : ગુજરાતમાં લાંબા સમયથી સરકારી ભરતી અને આઉટ સોર્સિંગ વિરૂદ્ધ મોટા પાયે વિરોધ પ્રદર્શનો જોવા મળ્યા છે. ગુજરાત વિધાનસભા ચૂંટણીમાં પણ યુવાનોએ સરકાર સામે મોરચો ખોલ્યો હતો. લાંબા સમયથી માંગ કરાઈ રહી છે કે રાજ્ય સરકાર મોટા પાયે સરકારી ભરતી કરે અને આઉટસોર્સિંગ તેમજ કોન્ટ્રાક્ટમાંથી આઝાદી આપે. હવે આ મુદ્દે મોટા સમાચાર સામે આવી રહ્યા છે.

સામે આવી રહેલા સમાચારો પર વિશ્વાસ કરીએ તો હવે રાજ્ય સરકાર યુવાનોની માંગને લઈને ગંભીર થતી જોવા મળી રહી છે. વિગતો અનુસાર ગુજરાત સરકારમાં આગામી સમયમાં મોટી ભરતીઓ જોવા મળી શકે છે. રાજ્ય સરકારે આ મુદ્દે વિચારણા શરૂ કરી હોવાના પણ અહેવાલ છે.

ગુજરાતમાં લાંબા સમયથી કોન્ટ્રાક્ટ અને આઉટસોર્સિંગનો વિરોધ થઈ રહ્યો છે ત્યારે હવે રાજ્ય સરકાર આગામી સમયમાં આ મુદ્દે પણ નિર્ણય લઈ શકે છે. સમાચારો પર વિશ્વાસ કરીએ તો ગુજરાતમાંથી કોન્ટ્રાક્ટ પદ્ધતિ ખતમ કરવા બાબતે પણ વિચારણા કરાઈ રહી છે. આ સિવાય આઉટ સોર્સિંગ હટવાવા વિચારણા થઈ રહી છે.

નવી ચૂંટાયેલી રાજ્ય સરકાર આગામી બજેટની તૈયારીમાં લાગી છે ત્યારે હવે બજેટમાં યુવાનો માટે મોટી જાહેરાતો આવી શકે છે. રાજ્ય સરકાર આ બાબતોનો સમાવેશ બજેટમાં કરીને યુવાનોને ખૂશ ખબર આપી શકે છે.

Published On January 10, 2023