Salary Hike 2024: પ્રાઇવેટ કર્મચારીઓ માટે મોટા સમાચાર, જાણો કેટલો વધશે તમારો પગાર?
Salary Hike 2024: દેશમાં પ્રાઇવેટ સેક્ટરમાં નોકરી કરનારા લોકો માટે સારા સમચાર સામે આવ્યા છે. એક તરફ જ્યાં કંપનીઓ સતત છટણી કરી રહી છે, અને લોકો નોકરી ગુમાવવાના ભયના ઓથા હેઠળ જીવી રહ્યા છે. તો બીજી તરફ પગાર વધારાની સિઝનમાં કર્મચારીના મનમાં પગાર વધારા અંગે ઘણા સવાલો ઉઠી રહ્યા છે.
આ દરમિયાન ભારતીય કર્મચારીઓ માટે રાહતના સમાચાર છે. ભારતમાં કંપનીઓ આ વર્ષે કર્મચારીઓના પગારમાં સરેરાશ 10 ટકાનો વધારો કરે તેવી ધારણા છે. જ્યારે વર્ષ 2023માં કર્મચારીઓનો સરેરાશ પગાર વધારો 9.5 ટકા હતો. મંગળવારના રોજ જાહેર કરવામાં આવેલા એક સર્વેમાં આ વાત કહેવામાં આવી છે.
આ કર્મચારીઓના પગારમાં થશે સૌથી વધુ વધારો - 1474 કંપનીઓના 21 લાખ કર્મચારીઓ દ્વારા એકત્રિત કરવામાં આવેલ ડેટા - કન્સલ્ટન્સી ફર્મ મર્સરે મંગળવારે કુલ મહેનતાણું સર્વે (TRS) બહાર પાડ્યું છે. માહિતી અનુસાર, કન્સલ્ટન્સી ફર્મ મર્સરે મે અને ઓગસ્ટ 2023 વચ્ચે 1474 કંપનીઓના 21 લાખ કર્મચારીઓ દ્વારા એકત્રિત કરવામાં આવેલા ડેટાના આધારે આ આંકડા જાહેર કર્યા છે. જેમાં વિવિધ ક્ષેત્રોના પગારના વલણો પર ધ્યાન કેન્દ્રિત કરવામાં આવ્યું છે.
સર્વે અનુસાર, આ વલણ ભારતની મજબૂત આર્થિક કામગીરી અને નવીનતા અને પ્રતિભાના હબ તરીકે તેના વધતા આકર્ષણને દર્શાવે છે. ભારતમાં ઓટોમોબાઈલ, મેન્યુફેક્ચરિંગ, એન્જિનિયરિંગ અને લાઈફ સાયન્સના કર્મચારીઓને સૌથી વધુ ઈન્ક્રીમેન્ટ મળવાની અપેક્ષા છે. આ આ ક્ષેત્રોની સ્પર્ધાત્મક પ્રકૃતિને પ્રતિબિંબિત કરે છે.
2024માં સરેરાશ પગાર વધારો 10 ટકા સુધી પહોંચવાની ધારણા - સર્વેક્ષણમાં એમ પણ કહેવામાં આવ્યું છે કે, ભારતમાં સરેરાશ પગાર વધારો 2024માં 10 ટકા સુધી પહોંચવાની ધારણા છે, જે 2023માં 9.5 ટકાના વધારાની ટોચ પર હતી.
સ્વેચ્છાએ નોકરી છોડનારા લોકોની સંખ્યા વધી રહી છે - સર્વેમાં એ વાત પણ સામે આવી છે કે, ભારતમાં સ્વેચ્છાએ નોકરી છોડનારા લોકોની સંખ્યા વધી રહી છે. વર્ષ 2022માં તે ધીમે ધીમે વધીને 13.5 ટકા થઈ ગયો છે, જે વર્ષ 2021માં 12.1 ટકા હતો.
Click it and Unblock the Notifications
Sign in with Google
