ટુંકમાં જ આવી રહ્યાં છે આશિકી 2ના જૅકેટ
મુંબઈ, 20 એપ્રિલ : ફિલ્મોના બિઝનેસને નવી ઊંચાઈ આપતાં ફિલ્મ આશિકી 2ના પોસ્ટર (જૅકેટ) ટુંકમાં જ રિલીઝ કરાશે. વિશેષ ભટ્ટે ટ્વિટર પર લખ્યું - આશિકી 2ના જૅકેટ ટુંકમાં જ આવી રહ્યાં છે... ચેતવણી : તેમનાથી છુપાવવા માટે આપ જે કંઈ પણ કરો છે, તેની જવાબદારી વિશેષ ફિલ્મ્સની નથી.
આશિકી 2 ફિલ્મ અંગે અગાઉથી જ ખૂબ ચર્ચાઓ થઈ રહી છે. ફિલ્મ પહેલી વાર 1990માં રિલીઝ થઈ. ફિલ્મ આશિકી એક મ્યુઝિકલ સુપર હિટ ફિલ્મ હતી અને આશિકી 2ના ગીતો પણ ટુંકાગાળામાં જ ખૂબ લોકપ્રિય બન્યાં છે.
ફિલ્મનું નિર્માણ ભૂષણ કુમાર, કૃષ્ણ કુમાર અને મુકેશ ભટ્ટે સંયુક્ત રીતે કર્યું છે. સુપર કૅસેટ્સ ઇન્ડસ્ટ્રીઝ લિમિટેડ તેમજ વિશેષ ફિલ્મ્સના બૅનર હેઠળ બનેલી આ ફિલ્મ આગામી 26મી એપ્રિલના રોજ રિલીઝ થશે. ફિલ્મનું દિગ્દર્શન મોહિત સુરીએ કર્યું છે. મુખ્ય કલાકારો છે આદિત્ય રૉય કપૂર તથા શ્રદ્ધા કપૂર.
આશિકી ફિલ્મમાં રાહુલ રૉય તથા અનુ અગ્રવાલ મુખ્ય ભૂમિકામાં હતાં. આશિકી 2ને આશિકીની સિક્વલ તરીકે માનવાનો તેના નિર્માતાઓ ઇનકાર કરે છે. તેમનું કહેવું છે કે આશિકીના અહેસાસને પુનર્જીવિત કરવાનો પ્રયત્ન છે આશિકી 2.