Pics : અમદાવાદથી અજમેર સુધી ભટકતી આત્મા

| Published: Monday, March 18, 2013, 11:04 [IST]

મુંબઈ, 18 માર્ચ : બૉલીવુડ બેબ બિપાશા બાસુની આત્મા સફળતા માટે અમદાવાદથી જયપુર અને જયપુરથી અજમેર સુધી ભટકી રહ્યો છે. બિપાશા બાસુને તેમની ફિલ્મ આત્મા અજમેર શરીફ ખાતે આવેલ ખ્વાજા મોઇનુદ્દીન ચિશ્તીની દરગાહે ખેંચી લાવી, તો આત્માના પ્રમોશન માટે બિપાશાએ નાના પડદાનો પણ સહારો લીધો છે.

બિપાશા બાસુને ક્યાંકને ક્યાંક લાગે છે કે આ ફિલ્મ તેમના કૅરિયર માટે નિર્ણાયક ભૂમિકા ભજવશે. તેથી તેઓ આત્માના પ્રમોશનમાં રાત-દિવસ એક કરી લાગી ગયાં છે. 22મી માર્ચે રિલીઝ થનાર ફિલ્મની સફળતાની દુઆ માંગવા બિપાશા બાસુ ફિલ્મના દિગ્દર્શક સુપર્ણ વર્મા તેમજ સાથી કલાકાર નવાઝુદ્દીન સિદ્દીકી સાથે અજમેર પહોંચ્યાં.

આ અગાઉ આત્માની આખી ટીમ જયપુરમાં હતી અને અમદાવાદ પણ આવી હતી. બિપાશા બાસુ જયપુર ખાતે ભૂતોનો કિલ્લો કહેવાતાં ભાનગઢ કિલ્લો પણ જોવા ગયાં.

પ્રમોશન ટૂર દરમિયાન મીડિયા સાથેની વાતચીતમાં બિપાશા બાસુએ જણાવ્યું - આત્માના કારણે તેમની રાતોની ઊંઘ અને દિવસનો ચેન છિનવાઈ ગયાં છે. એટલું જ નહીં, આત્માના પ્રમોશન માટે હૉન્ટેડ સ્થળોનો પ્રવાસ કરતાં તેમને ભય લાગે છે. તેના કારણે જ તેઓ રાત્રે ઊંઘી નથી શકતાં.

તેમણે જણાવ્યું - ફિલ્મ આત્મા એટલી બિહામણી છે કે હું પોતે તેના સીન્સ અંગે વિચારી બીવુ છું. ઉપરથી હૉરર સ્થળોએ જવાના કારણે મારી ઊંઘ પણ ઉડી ગઈ છે. સાચુ કહું તો હું પોતે હાલ ખૂબ ભયભીત છું.

આવો તસવીરોમાં માણીએ આત્માની પ્રમોશનલ ટૂર.