અભિનેતા અને બિગબોસ 13ના વિજેતા સિદ્ધાર્થ શુક્લાનું હાર્ટ એટેકથી નિધન

અભિનેતા અને બિગ બોસ 13ના વિજેતા સિદ્ધાર્થ શુક્લાનું ગુરુવારે નિધન થયું. મુંબઈની કૂપર હોસ્પિટલે સિદ્ધાર્થના મોતની પુષ્ટિ કરી છે. 40 વર્ષીય સિદ્ધાર્થ શુક્લનું હાર્ટ એટેકથી નિધન થયું છે. મળતી માહિતી મુજબ અભિનેતા સિદ્ધાર્થ શ

Updated: Thursday, September 2, 2021, 12:07 [IST]

અભિનેતા અને બિગ બોસ 13ના વિજેતા સિદ્ધાર્થ શુક્લાનું ગુરુવારે નિધન થયું. મુંબઈની કૂપર હોસ્પિટલે સિદ્ધાર્થના મોતની પુષ્ટિ કરી છે. 40 વર્ષીય સિદ્ધાર્થ શુક્લનું હાર્ટ એટેકથી નિધન થયું છે. મળતી માહિતી મુજબ અભિનેતા સિદ્ધાર્થ શુક્લાએ રાત્રે સૂતા પહેલા કેટલીક દવા ખાધી હતી પરંતુ તે પછી તે ઉઠી શક્યો નહીં. હોસ્પિટલે બાદમાં પુષ્ટિ કરી કે સિદ્ધાર્થનું મૃત્યુ હાર્ટ એટેકથી થયું છે.

ટીવી ઇન્ડસ્ટ્રીનું મોટું નામ સિદ્ધાર્થ શુક્લાએ રિયાલિટી શો બિગ બોસની 13 મી સીઝન જીતી હતી, આ સિવાય તેણે ખતરોં કે ખિલાડીની સાતમી સિઝન પણ જીતી હતી. સિરિયલ બાલિકા વધુથી સિદ્ધાર્થ શુક્લે દેશના દરેક ઘરમાં પોતાની ઓળખ બનાવી હતી.

12 ડિસેમ્બર 1980 ના રોજ મુંબઈમાં જન્મેલા સિદ્ધાર્થ શુક્લાએ પોતાની કારકિર્દીની શરૂઆત એક મોડેલ તરીકે કરી હતી. વર્ષ 2004 માં તેણે ટીવી સાથે અભિનયની શરૂઆત કરી. 2008 માં, તે બાબુલ કા આંગન છોટે ના નામની ટીવી સિરિયલમાં દેખાયો હતો, પરંતુ તેની સાચી ઓળખ સિરિયલ બાલિકા વધુથી બની હતી, જે તેને ઘરે ઘરે લઈ ગઈ હતી.