સન્નીને નવરાત્રિ ગિફ્ટ, 15 કરોડની 3 ફિલ્મો કરી સાઇન
મુંબઈ, 17 ઑક્ટોબર : લાગે છે કે નવરાત્રિનો તહેવાર પોર્ન સ્ટાર સન્ની લિયોન માટે ઘણી બધી ખુશીઓ લઈ આવ્યો છે. એટલે તો ખબર આવી છે કે સન્ની લિયોનને એક નહિં, પણ ત્રણ-ત્રણ ફિલ્મો મળી છે. તે પણ પાંચ-પાંચ કરોડની.
આંતરિક સૂત્રોના જણાવ્યા મુજબ સન્નીએ અલંબરા એંટરટેનમેંટ સાથે ત્રણ ફિલ્મોનું એગ્રીમેંટ કર્યું છે. આ ત્રણે ફિલ્મો પાંચ-પાંચ કરોડ રુપિયાની છે. પ્રથમ ફિલ્મનું શુટિંગ 2013થી શરૂ થશે. પરંતુ ફિલ્મના વિષય, તેના સ્ટાર-કાસ્ટ વિગેરે બાબાતો અસ્પષ્ટ છે.
આ અગાઉ પૂજા ભટ્ટની જિસ્મ 2 ફિલ્મ સાથે સન્નીએ બૉલીવુડની દુનિયામાં પ્રવેશ કર્યો હતો. આ ફિલ્મ ફ્લૉપ રહી હતી. પછી સન્ની એકતા કપૂરની ફિલ્મ રાગિની એમએમએસ 2માં કામ કરી રહી છે. સન્નીની ત્રણ ફિલ્મોમાં કામ કરવાની અધિકૃત જાહેરાત અલંબરા એંટરટેનમેંટે કરી કે જેણે તાજેતરમાં જ રામ ગોપાલ વર્માની ભૂત રિટર્ન્સ બનાવી છે.
થોડાંક દિવસ અગાઉ સન્નીએ જોરદાર જાહેરાત કરી હતી કે તેઓ ફૅમિલી ફિલ્મો કરવા માંગે છે. તેથી તેઓ સમજી-વિચારીને ફિલ્મો સાઇન કરે છે. જોઇએ કે પાંચ કરોડના બજેટ વાળી આ ફિલમો ફૅમિલી છે કે જિસ્મ 2 જેવી એ કૉર્ડેડ. હાલ તો ફિલ્મના ચાર્જ જોઈ લાગે છે કે સન્ની ઉપર લોકો પૈસા લગાવવા તૈયાર છે.