આને કહેવાય Bad Luck : ઐશને કૅશ ન કરી શક્યાં આ એક્ટર્સ...

Published: Saturday, October 4, 2014, 13:59 [IST]

મુંબઈ, 4 ઑક્ટોબર : કોઈ પણ બૉલીવુડ અભિનેતાનું આ સપનું હોય કે તે વર્લ્ડ બ્યુટી ઐશ્વર્યા રાય સાથે કમ સે કમ એક વખત તો ઑન-સ્ક્રીન રોમાંસ કરે. ઐશ્વર્યા રાયને સૌંદર્યનું પ્રતીક ગણવામાં આવે છે અને એટલે જ કોઈ પણ અભિનેતા માટે સ્ક્રીન ઉપર ઐશના સૌંદર્ય સાથે પોતાને પરફેક્ટ સાબિત કરવું સરળ નથી હોતું.

આપણે માનીએ છીએ કે કોઈ પણ રોમાંટિક ફિલ્મની સફળતામાં લીડ રોલ કરતા હીરો-હીરોઇન વચ્ચેની કેમિસ્ટ્રીનો સૌથી મોટો ફાળો હોય છે. બૉલીવુડમાં પણ ફિલ્મની સફળતા માટે રાઇટ જોડી ખૂબ જ જરૂરી મનાય છે અને જો એક બાજુ ઐશ્વર્યા રાય હોય, તો તે વધુ જરૂરી બની જાય છે. ઐશ્વર્યા રાયે પોતાના ફિલ્મી કૅરિયર દરમિયાન અનેક અભિનેતાઓ સાથે કામ કર્યું છે અને તેઓ જઝ્બા ફિલ્મ સાથે કમબૅક કરી રહ્યા છે. તેમાં પણ તેઓ ઇરફાન ખાન સાથે આવી રહ્યાં છે.

દરમિયાન ઐશ્વર્યાએ પોતાના ફિલ્મી કૅરિયર દરમિયાન અનેક અભિનેતાઓ સાથે બેસ્ટ જોડી બનાવી હતી, તો કેટલાક અભિનેતાઓ આવું કરવામાં નિષ્ફળ નિવડ્યા હતાં. ઐશે સંજય દત્ત, અજય દેવગણ, ગોવિંદા, અનિલ કપૂર, વિવેક ઓબેરૉય સહિત ઘણા અભિનેતાઓ સાથે કામ કર્યું કે જેમની સાથે ઐશની કેમિસ્ટ્રી લોકોને ગમી નહીં.

ચાલો આજે આપને બતાવીએ ઐશ સાથે બેસ્ટ જોડી ન બનાવી શકનાર એટલે કે ઐશને કૅશ ન કરી શકનાર અભિનેતાઓ :

ઐશ-ગોવિંદા

અલબેલા ફિલ્મમાં ઐશ્વર્યા રાય અને ગોવિંદાની જોડી હતી, પરંતુ આ ફિલ્મ ફ્લૉપ રહી હતી.

ઐશ-સંજય

શબ્દ તથા હમ કિસી સે કમ નહીં ફિલ્મોમાં ઐશ-સંજય દત્તની જોડી લોકોએ નકારી કાઢી.

ઐશ-વિવેક

ક્યોં હો ગયા ના ફિલ્મમાં ઐશને કૅશ કરવામાં નિષ્ફળ રહ્યાં વિવેક ઓબેરૉય.

ઐશ-ઝાયેદ

શબ્દ ફિલ્મમાં ઐશ અને ઝાયેદ ખાનની જોડી હતી.

ઐશ-અજય

હમ દિલ દે ચુકે સનમ, રેનકોટ તથા હમ કિસી સે કમ નહીં ફિલ્મોમાં ઐશ્વર્યા રાયે અજય દેવગણ સાથે કામ કર્યું. આમાંની એકમાત્ર હમ દિલ દે ચુકે સનમ જ હિટ રહી કે જેમાં સલમાન ખાન લીડ રોલમાં હતાં.