શાહરુખ સાથે સલમાનને પણ પછાડવા માંગે છે અજય

મુંબઈ, 23 ઑક્ટોબર : બૉલીવુડના એક્ટરો વચ્ચે કાયમ એક-બીજાને પાછળ પાડવાનો જંગ છેડાયેલો રહે છે. અત્યાર સુધી તો જંગ બૉલીવુડના ત્રણ ખાનો વચ્ચે જ હતો, પરંતુ હવે બૉલીવુડમાં મજબૂત પગ જમાવી ચુકેલાં અજય દેવગણ પણ આ રેસમાં જોડાઈ ગયો છે.

સમાચાર છે કે અજય હવે શુટિંગના દિવસ દીઠ એક કરોડ રુપિયા લેશે. અજયની સન ઑફ સરદાર ફિલ્મ આ દીવાળીએ રિલીઝ થવાની છે. એ જ દિવશે યશ ચોપરાની છેલ્લી ફિલ્મ જબ તક હૈ જાન પણ રિલીઝ થાય છે કે જેમાં શાહરુખ ખાન ફરી એક વાર રોમેન્ટિક પાત્રમાં દેખાશે. શાહરુખની ફિલ્મને પાછળ પાડવામાં અજય કોઈ જાતની કચાસ નથી છોડી રહ્યાં. નાના પડદે પ્રમોશનથી માંડી ફિલ્મના પ્રોમો તેમજ પ્રમોશન ઇવેન્ટ કરવામાં અજય જોરશોરથી લાગેલાં છે.

અજય દેવગણ માટે આ વર્ષ બહુ સારું રહ્યો છે. વર્ષના આરંભે જ તેમની ફિલ્મ બોલ બચ્ચન રિલીઝ થઈ અને તેણે ખૂબ ધમાલ મચાવી. તેનો 100 કરોડના ક્લબમાં સમાવેશ થયો. હવે તેમની સન ઑફ સરદાર રિલીઝ થનાર છે અને તેને લઈને પણ અજયને ઘણી આશાઓ છે, પરંતુ લાગે છે કે પોતાની સફળતાથી અજય વધારે ખુશ ચે અને તેમના પગ હવામાં છે.

તેમણે પોતાનો ભાવ વધારી હવે એક દિવસના 1 કરોડ રુપિયા કરી નાંખ્યો છે. અત્યાર સુધી સલમાન ખાન બૉલીવુડના સૌથી મોંઘા એક્ટર ગણાતા હતાં, કારણ કે તાજેતરમાં જ રિલીઝ થયેલી તેમની એક થા ટાઇગર ફિલ્મ બૉલીવુડની બીજી સૌથી વધુ કમાણી કરનાર ફિલ્મ સાબિત થઈ છે અને આ ફિલ્મ બાદ એવા સમાચાર આવ્યા હતાં કે સલમાનને દિગ્દર્શક રમેશ તોરાનીએ 100 કરોડમાં સાઇન કરવાનું વિચાર્યું છે. જોકે તેમાં વાસ્તવિકતા અંગે શંકા છે, પરંતુ આમ છતાં જો તે સાચું હોય, તો સલમાન ખાન બૉલીવુડના સૌથી મોંઘા એક્ટર બની ચુક્યાં છે.

હવે સલમાનનો આ રેકૉર્ડ તોડવા અજયે પોતાની નવી કિંમત નક્કી કરી છે અને તે છે એક દિવસના એક કરોડ. એટલે કે હવે જો અજયની કોઈ ફિલ્મનું શુટિંગ એક માસ ચાલે, તો તેમને 30 કરોડ રુપિયા ચુકવવાં પડશે. આ તો સાચે જ વિચિત્રતા છે. હવે અજય સાથે કામ કરવાનું વિચારતાં દિગ્દર્શકોએ કદાચ પોતાના નિર્ણય અંગે પુનર્વિચાર કરવું પડશે. અજયનો આ નિર્ણય સલમાન સામે ફીની બાબતમાં તો આગળ કરી શકે છે, પણ તેમને કેટલાં દિગ્દર્શકો આ કિંમતે સાઇન કરશે, તે અંગે દરેકને શંકા છે.

English summary

Ajay Devgan has raised his fees and now he will charge 1 crore for per day shooting.