Pics : એડવાંસ ટૅક્સમાં ખાન્સને મ્હાત આપતો ખેલાડી

Updated: Tuesday, March 19, 2013, 17:11 [IST]

મુંબઈ, 19 માર્ચ : અગ્રિમ કર અંગે કોઈ પણ વ્યક્તિ ખુલીને વાત નથી કરતી, પરંતુ અગ્રિમ કર ચુકવણીકારોની યાદીએ આ વર્ષે થોડીક સરપ્રાઇઝો આપી છે. છેલ્લા થોડાંક વરસથી સલમાન ખાનની ફિલ્મો બૉક્સ ઑફિસે બ્લૉકબસ્ટર સાબિત થતી રહી છે, પરંતુ આ વખતે અક્ષય કુમારે અગ્રિમ કર ચુકવણીમાં બાઝી મારી લીધી છે. બૉલીવુડના આ ખેલાડીએ આ વખતે ખાન્સને મ્હાત આપી દીધી છે.

સૂત્રોએ આપેલા આંકડા મુજબ અક્ષય કુમારે 18 કરોડ રુપિયાનો અગ્રિમ કર ચુકવ્યો છે. આમ કરી તેઓ સલમાન ખાન, શાહરુખ ખાન અને આમિર ખાન કરતાં આગળ નિકળી ગયા છે. અક્ષય કુમારે ગત વર્ષે હાઉસફુલ 2, રાઉડી રાઠોડ અને ઓહ માય ગૉડ જેવી ફિલ્મોની સફળતા પ્રાપ્ત કરનાર અક્ષયે આ વર્ષની શરુઆત પણ ખિલાડી 786 અને સ્પેશિયલ 26 જેવી સારી ફિલ્મ સાથે કરી. જોકે અક્ષયે ગત વર્ષે 20 કરોડ રુપિયા અગ્રિમ કર ચુકવ્યો હતો. આ વર્ષે તેમનો આંકડો ઘટ્યો છે. એંથની ડિસૂઝાની બૉસ ઇન બૅંગકૉક ફિલ્મના શૂટિંગમાં વ્યસ્ત અક્ષય આ અંગે પ્રત્યાઘાત ઉપલબ્ધ થયાં નહોતાં.

આ વર્ષે સલમાન ખાન બીજા અને શાહરુખ ખાન ત્રીજા સ્થાને રહ્યાં છે. બીજી બાજુ અભિનેત્રીઓમાં કૅટરીના કૈફ ટોચે રહ્યાં છે, તો નાનકડા માર્જિન સાથે કરીના કપૂર બીજા ક્રમે રહ્યાં છે. પ્રિયંકા ચોપરા તેમની પાછળ રહ્યાં છે.

આવો આપણે તસવીરો વડે જાણીએ કોણે-કેટલો અગ્રિમ કર ચુકવ્યો.

ખાન્સને મ્હાત આપતો ખેલાડી

અક્ષય કુમારે આ વર્ષે 18 કરોડ રુપિયાનો અગ્રિમ કર ચુકવ્યો છે. આમ કરી તેઓ સલમાન ખાન, શાહરુખ ખાન અને આમિર ખાન કરતાં આગળ નિકળી ગયા છે. જોકે અક્ષયે ગત વર્ષે 20 કરોડ રુપિયા અગ્રિમ કર ચુકવ્યો હતો.