OMG 2ને લઈને અક્ષય કુમારને મોટો ઝટકો, સેન્સર બોર્ડે ફિલ્મ પર લગાવી રોક, જુઓ ટીઝર

Published: Thursday, July 13, 2023, 7:56 [IST]

OMG 2: અક્ષય કુમાર, પંકજ ત્રિપાઠી સ્ટારર ફિલ્મ 'ઓહ માય ગૉડ 2' તેના ટીઝર રિલીઝ થયા બાદથી જ વિવાદોમાં ઘેરાયેલી છે. ફિલ્મ OMG 2 નું ટીઝર રિલીઝ થયું ત્યારથી જ સોશિયલ મીડિયા પર ફિલ્મને લઈને હોબાળો મચી ગયો છે.

આ દરમિયાન બૉલિવુડ અભિનેતા અક્ષય કુમારને તેની આગામી ફિલ્મ 'OMG 2'ને લઈને સેન્સર બોર્ડ તરફથી મોટો ઝટકો લાગ્યો છે. સેન્સર બોર્ડે ફિલ્મ પર પ્રતિબંધ મૂક્યો છે. આ ફિલ્મ 11 ઓગસ્ટે રિલીઝ થવાની હતી, તે પહેલા જ સેન્સર બોર્ડે ફિલ્મને લઈને મોટું પગલું ભર્યું છે.

અહેવાલ છે કે સેન્સર બોર્ડે OMG 2 પર પ્રતિબંધ મૂકીને ફિલ્મને રિલીઝ કરવા માટે પ્રમાણપત્ર આપવાનો ઇનકાર કરી દીધો છે અને ફિલ્મ રીવ્યુ કમિટીને મોકલી દેવામાં આવી છે. જો કે સેન્સર બોર્ડના આ નિર્ણય પાછળનું કારણ હજુ સુધી જાણી શકાયું નથી.

વાસ્તવમાં, ટીઝરમાં એવા ઘણા સીન છે, જેને લઈને હંગામો મચી ગયો છે. એક સીનમાં ભગવાન શિવને ટ્રેનના પાણીથી અભિષેક કરવામાં આવી રહ્યો છે, જેને જોઈને યુઝર્સ ગુસ્સે છે.

વળી, અન્ય એક દ્રશ્યમાં, જ્યારે 'મહાદેવ' બનેલા અક્ષય કુમારે ગંગામાં થૂંક્યું ત્યારે હોબાળો થયો. લોકોએ ફિલ્મ નિર્માતાઓ પર ભાવનાઓને ઠેસ પહોંચાડવાનો આરોપ લગાવ્યો છે.

તમને જણાવી દઈએ કે આ ફિલ્મ 'ઓહ માય ગૉડ'ની સિક્વન્સ છે, જેમાં અક્ષય કુમાર ભગવાન શિવના રોલમાં જોવા મળશે. વળી, અક્ષય કુમારની સાથે, પંકજ ત્રિપાઠી અને યામી ગૌતમ પણ આ ફિલ્મમાં મુખ્ય ભૂમિકામાં જોવા મળશે.