#Salute: એક્ટિંગ સાથે આ બધી જ રીતે અક્ષય કુમાર છે બેસ્ટ
અક્ષય કુમાર બોલિવૂડના શાનદાર એક્ટરમાં એક છે તેમાં કોઈ જ શંકા નથી. તેઓ પોતાની દરેક ફિલ્મની સાથે સાથે બોલિવૂડમાં તેમનું કદ પણ વધારતા રહ્યા છે. તેમની હાલમાં જ આવેલી ફિલ્મ રુસ્તમ પણ લોકોને ખુબ જ પસંદ આવી રહી છે. તેમની વર્ષ 2016ની દરેક ફિલ્મ 100 કરોડના ક્લબમાં જોડાઈ રહી છે.
અક્ષય કુમાર જેટલા સારા કલાકાર છે તેટલા જ સારા વ્યક્તિ પણ છે. અક્ષય કુમારની ફિલ્મો વધારે કમાણી કરી જાય છે તો તેને તેઓ સારા કામમાં વાપરે પણ છે. સમાજસેવા અક્ષય કુમાર માટે કોઈ જ નવી વાત નથી.
અક્ષય કુમારે સૈન્યના જવાનોના લાભાર્થે 80 લાખ રૂપિયાની આર્થિક મદદ કરી છે. અક્ષયે કહ્યું હતું કે 'મને એવું લાગે છે કે બહાદુર જવાનોને મેડલ્સની સાથે આર્થિક સંસાધનોની પણ જરૃર હોય છે. આની પહેલાં અક્ષય કુમારે ખેડૂતોને સહાય માટે 90 લાખની મદદ કરી હતી.
અક્ષય કુમારે ચેન્નાઇમાં આવેલા પૂર પીડિતો માટે 1 કરોડ રૂપિયાની મદદ પણ કરી હતી. અક્ષય કુમારે ખતરો કે ખેલાડીમાં પ્રતિસ્પર્ધીને મદદ માટે 25 લાખ રૂપિયાની સહાય પણ કરી હતી. અક્ષય કુમારની સારી વાત એ છે કે તેઓ આવી વાતો મીડિયામાં નથી આવવા દેતા.