સલમાન ખાન- કેટરીના કેફે ફાઈનલ કરી ટાઈગર-3, 2021 સુધીમાં બેક ટૂ બેક ધમાકો

કેટલાક દિવસો પહેલા સલમાન ખાને એક ઈન્ટર્વ્યૂ દરમિયાન ખુલાસો કર્યો હતો કે ભારત બાદ કેટરીના કેફ સાથે તેની આગામી ફિલ્મ ટાઈગર સિક્વલ હશે. જો કે હવે નિર્દેશક અલી અબ્બાસ ઝફરે પણ આ કન્ફર્મ કરી દીધું છે. અલીએ જણાવ્યું કે ફિલ્મની તૈયારી શરૂ થઈ ચૂકી છે. ફિલ્મના સ્ક્રિપ્ટ પર કામ કરવામાં આવી રહ્યું છે. પરંતુ સ્ટોરી આઈડિયા ફાઈનલ થઈ ચૂક્યો છે. અલીએ કહ્યું કે- 'ઈંશાલ્લાહ... હમ ભી સ્ક્રિપ્ટ લિખ રહે હૈ.' વધુમાં કહ્યું કે અમે ફિલ્મનો આઈડિયા લૉક કરી દીધો છે અને મારી સાથોસાથ સલમાન ખાન પણ આ ફિલ્મને લઈ ભારે ઉત્સુક છે. હું ફિલ્મ પર કામ કરીશ. મારી અને સલમાનની વચ્ચે સારું બૉન્ડિંગ છે. મને લાગે છે કે તેઓ સારી રીતે ફિલ્મની યૂએસપી સમજે છે.

ટાઈગર 3

જણાવી દઈએ કે સલમાન ખાન હાલ બેક ટૂ બેક ધમાકેદાર ફિલ્મની સાથે ફેન્સની સામે આવનાર છે. 2019 ઈદથી લઈ 2020 સુધી સલમાન ખાન સંપૂર્ણ રીતે મોટા પ્રોજેક્ટને લઈ વ્યસ્ત છે. અલી અબ્બાસ ઝફર, પ્રભુદેવા, સંજય લીલા ભણસાલીની ફિલ્મની સાથે સલમાન બૉક્સ ઑફિસ પર ધમાકો કરનાર છે. અહીં જાણો સલમાન ખાનની આગામી ફિલ્મો વિશે...

ભારત

અલી અબ્બાસ ઝફરના નિર્દેશનમાં સલમાન ખાનની આગામી ફિલ્મ ભારત 2019 ઈદ પર રિલીઝ થશે. એટલે કે 2019ના રોજ રિલીઝ થઈ રહી છે. ભારતમાં સલમાનની અપોઝિટ કેટરીના કૈફ અને દિશા પટાની છે.

દબંગ-3

ભારત બાદ હવે સલમાન ખાન દબંગ 3નું શૂટિંગ શુરુ કરી ચૂક્યા છે. ફિલ્મ 2019ના અંત એટલે કે 2020ની શરૂઆતમાં રિલીઝ થઈ શકે છે.

ઈંશાલ્લાહ

સંજય લીલા ભણસાલીની આગામી ફિલ્મ ઈંશાલ્લાહમાં સલમાન ખાન ફાઈનલ છે. જ્યારે એક્ટ્રેસ તરીકે આલિયા ભટ્ટ જોવા મળશે. ફિલ્મ 2020માં ઈદ પર રિલીઝ થશે.

વેટેરન રીમેક

સલમાન ખાન કોરિયન ફિલ્મ વેટેરનની હિન્દી રીમેકમાં જોવા મળશે. આ એક એક્શન કૉમેડી ફિલ્મ હશે, જ્યાં સલમાન ખાન જાસૂસ બનેલા જોવા મળશે. જણાવી દઈએ કે, આ ફિલ્મના રાઈટ્સને અતુલ અગ્નિહોત્રીના પ્રોડક્શન હાઉસ રીલ લાઈફ પ્રોડક્શને ખરીદી લીધા છે.

કિક 2

સાઝિદ નાડિયાડવાલાની ફિલ્મ કિક 2 પહેલા 2019 ક્રિસમસ પર રિલીઝ થનાર હતી. પરંતુ ફિલ્મ પોસ્ટપોન થઈ ચૂકી છે. હાલ ફઇલ્મની સ્ક્રિપ્ટ પર કામ ચાલી રહ્યું છે.

સૂરજ બડજાત્યાની ફિલ્મ

સલમાન ખાન અને સૂરજ બડજાત્યાની જોડીએ બૉલીવુડને એક પછી એક સુપરહિટ ફિલ્મો આપી છે. રિપોર્ટ્સનું માનીએ તો આ જોડી ફરી એકવાર સાથે આવનાર છે. જી હાં, સૂરજ બડજાત્યાના આગામી ફેમિલી ડ્રામામાં સલમાન ખાન હશે. આ ફિલ્મ ઈમોશનલ મ્યૂઝિકલ ફેમિલી ડ્રામા હશે.

English summary

Ali Abbas Zafar confirms 'Tiger 3' starring Salman Khan, Katrina Kaif . He said, we are right now in the writing process. But have locked the idea for the story.