જયા-રેખા સામે જ હસીનાઓને ચુંબન ચોળતાં અમિતાભ
મુંબઈ, 28 જાન્યુઆરી : અમિતાભ બચ્ચનની હરકતો અને અદાકારી બંને જ એ ઇશારો કરે છે કે તેઓ હજીય 70 વર્ષના નવયુવાન છે. એટલે જ તો તેમના સ્પર્શ માટે લોકો ઝંખે છે. તેનો તાજો દાખલો સ્ટારડસ્ટ ઍવૉર્ડ નાઇટમાં જોવા મળ્યો કે જ્યાં બિગ બીને સ્ટાર ઑફ ધ સેંચ્યુરીનો ઍવૉર્ડ અપાયો. અમિતાભ જ્યારે સ્ટેજ ઉપર ઍવૉર્ડ લેવા પહોંચ્યા કે ત્યારે 70 વર્ષના અમિતાભ જાણે ફરી નવયુવાન થઈ ગયા હોય, તેવું લાગ્યું.
અમિતાભ સ્ટેજ પર ઍવૉર્ડ લેવા પહોંચ્યા કે કાર્યક્રમના હોસ્ટ આયુષ્માન ખુરાનાએ તેમને તેમની જ હમ ફિલ્મના સુપરહિટ ગીત જુમ્મા ચુમ્મા... ઉપર ડાંસ કરવા જણાવ્યું. અમિતાભે હોસ્ટની આ માંગણી જોશ સાથે સ્વીકારી અને મન મૂકીને પોતાના જૂના ગીત ઉપર ઠુમકાં લગાવ્યાં, પરંતુ પછી અમિતાભે જે કર્યો, તે ખૂબ આશ્ચર્યજનક હતું. મંચ ઉપરથી અમિતાભે જણાવ્યું કે હાલ બૉલીવુડની કઈ હસીનાઓ મારાથી ચુંબન લેવા માંગે છે.
થોડીક જ વારમાં સ્ટેજ ઉપર પ્રિયંકા ચોપરા, બિપાશા બાસુ, વિદ્યા બાલન, અનુષ્કા શર્મા, ફરાહ ખાન પહોંચી ગયાં અને સૌની સામે અમિતાભે આ તમામ અભિનેત્રીઓને ભેંટી તેમને ગાલે ચુંબનો ચોળ્યાં.
ખાસ બાબત એ હતી કે આ સમારંભમાં અમિતાભના ધર્મપત્ની જયા બચ્ચન અને તેમના તથાકથિત પ્રેમિકા રેખા પણ હાજર હતાં. અમિતાભે જયા-રેખા સામે જ બૉલીવુડ બેબ્સને પોતાના પ્રેમના નિશાન બનાવ્યાં. આ મજાની વાતનો ઉલ્લેખ પોતે અમિતાભ બચ્ચને ટ્વિટર પર કર્યો છે. અમિતાભે લખ્યું છે કે આ બધુ ખૂબ મજાનું હતું. તેમને બહુ સારૂં લાગ્યું. જોકે હું સ્ટારડસ્ટનો પણ આભાર માનુ છું કે જેણે મને સ્ટાર ઑફ ધ સેંચ્યુરી ખિતાબથી નવાજ્યો.