મહેબુબ સ્ટુડિયો પહોંચી જૂની યાદોમાં ખોવાયાં બિગ બી

મુંબઈ, 23 નવેમ્બર : મહેબુબ સ્ટુડિયોમાં ભારતીય સિનેમાની અનેક યાદો ધરબાયેલી છે. તેથી જ તો બિગ બી અમિતાભ બચ્ચન જ્યારે પણ આ સ્ટુડિયો પહોંચે છે કે જૂની યાદોમાં ખોવાઈ જાય છે. શુક્રવારે પણ કંઇક આવુ જ થયું. અમિતાભ બચ્ચન પોતાની આગામી ફિલ્મ ભૂતનાથ 2 માટે શૂટિંગ કરતા હતાં. તે જ સમયે ફરાહ ખાનની હૅપ્પી ન્યુ ઈયર ફિલ્મનું પણ શૂટિંગ ચાલતુ હતું. મહેબુબ સ્ટુડિયો ખાતે એક સાથે બે ફિલ્મોનું શૂટિંગ થતા જોઈ અમિતાભને જૂના દિવસો યાદ આવી ગયાં કે જ્યારે આ સ્ટુડિયોમાં એક સાથે બે-ત્રણ ફિલ્મોનું શૂટિંગ થતુ હતું.

અમિતાભ બચ્ચન 2008માં આવેલી ભૂતનાથ ફિલ્મની સિક્વલ ભૂતનાથ 2માં કામ કરી રહ્યાં છે. ફિલ્મનું શૂટિંગ મહેબુબ સ્ટુડિયો ખાતે ચાલે છે. બિગ બી શુક્રવારે શૂટિંગાર્થે પહોંચ્યા અને તેમણે જોયું કે હૅપ્પી ન્યુ ઈયરની કાસ્ટ શાહરુખ ખાન, અભિષેક બચ્ચન, બોમન ઈરાની, ફરાહ ખાન તથા સોનૂ સૂદ પણ શૂટિંગ કરી રહ્યાં છે. બિગ બી તેમને મળવા પહોંચી ગયાં. અમિતાભે પોતાના બ્લૉગ ઉપર લખ્યું કે એક સમયે મહેબુબ સ્ટુડિયો ખાતે એક સાથે બે-ત્રણ ફિલ્મોનું શૂટિંગ ચાલતુ હતું.

નોંધનીય છે કે 2008માં આવેલી ભૂતનાથ ફિલ્મમાં પણ અમિતાભ બચ્ચન હતાં અને હવે તેની સિક્વલ માટે તેઓ શૂટિંગ કરી રહ્યાં છે. બીજી બાજુ ફરાહ ખાનની હૅપ્પી ન્યુ ઈયરમાં શાહરુખ ખાન અને અભિષેક બચ્ચન ઉપરાંત દીપિકા પાદુકોણે અભિનેત્રી તરીકે છે.

English summary

While shooting for "Bhoothnath 2", Amitabh Bachchan bumped into the cast of "Happy New Year" and shared fun moments with younger actors like Shah Rukh Khan and Abhishek Bachchan. The megastar felt as though he was reliving his former shooting days.