Pics : સ્ટિવન સાથે અમિતાભે વિતાવી રંગીન સાંજ

Published: Tuesday, March 12, 2013, 12:21 [IST]

મુંબઈ, 12 માર્ચ : બૉલીવુડના બિગ બી અમિતાભ બચ્ચન છેલ્લાં કેટલાંક દિવસથી ખૂબ ઉત્સાહિત છે અને તેનું કારણ છે હૉલીવુડ એક્ટર સ્ટિવન સ્પીલબર્ગ સાથે તેમની મુલાકાત. અમિતાભ બચ્ચન છેલ્લાં કેટલાંક અઠવાડિયાથી પ્રકાશ ઝાની ફિલ્મ સત્યાગ્રહના શૂટિંગ માટે ભોપાલ હતાં. તેઓ ગઈકાલે મુંબઈ પરત ફર્યાં. અમિતાભે ગઈકાલની સાંજ હૉલીવુડ એક્ટર સ્ટિવન સ્પીલબર્ગ સાથે વિતાવી અને સાથે જ તેમની સાથે ફિલ્મો, સંબંધો અને ભાવિ યોજનાઓ અંગે ચર્ચા કરી.

અમિતાભ બચ્ચને ટ્વિટર વડે પોતાની આ મુલાકાતની તસવીરો પણ શૅર કરી છે. સ્ટિવન સાથે મીટિંગ બાદ અમિતાભે ટ્વિટ કર્યું - એક ખૂબસૂરત સાંજ મિસ્ટર સ્ટિવન સ્પીલબર્ગ સાથે. ફિલ્મો, સંબંધો, સ્ક્રિપ્ટ્સ તેમજ ભાવિ યોજનાઓ, તમામ મુદ્દે વાત થઈ. અમિતાભ બચ્ચને સ્ટિવનના વખાણ કરતાં ટ્વિટ કર્યું - ગેસ્ટ સાથેવાત કરતાં. સિંપલ, ઈમાનદાર અને બહેતરીન. આ સાંજના હોસ્ટ હતાં અનિલ અંબાણી અને ત્યાં ડ્રીમવર્ક્સના સીઈઓ તથા કો-ચૅરમૅન સ્ટૅકી સ્નીડર પણ હાજર હતાં. અમિતાભ બચ્ચને તમામની તસવીરો ટ્વિટ કરી છે. સ્ટિવન સ્પીલબર્ગ પોતાની ફિલ્મ અબ્રાહમ લિંકનની સફળતાની ઉજવણી કરવાં ભારત આવ્યા હતાં.

નોંધનીય છે કે અબ્રાહમ લિંકનને ઑસ્કારમાં અનેક ઍવૉર્ડ્સ મળ્યાં. ફિલ્મના એક્ટરને બેસ્ટ એક્ટરનો ઍવૉર્ડ મળ્યો. સાથે અન્ય કૅટેગરીઓમાં પણ અબ્રાહમ લિંકન ફિલ્મે ઍવૉર્ડ્સ જીત્યાં. સ્ટિવન-અમિતાભની આ મુલાકાત બાદ અનિલ અંબાણી દ્વારા સૌના માટે ડિનરનું પણ આયોજન કરાયું. અમિતાભે ટ્વિટ કર્યું - અને બધું ખતમ થઈ ગયું, તો એક શાંત અને બહેતરીન ડિનર અમારા ચારેય વચ્ચે. અમિતાભ બચ્ચનની આ તસવીરો પર અમિતાભના ફૅન્સે પણ અનેક કૉમેન્ટ્સ કર્યાં. સૌએ અમિતાભને અભિનંદન પાઠવ્યાં અને તેમના ઉજ્જ્વળ ભાવિ માટે શુભેચ્છાઓ પાઠવી.

જુઓ સ્ટિવન-અમિતાભની મુલાકાતની તસવીરો.