New Posters : જુઓ આમિર-અનુષ્કાના વિચિત્ર Looks

| Published: Friday, October 17, 2014, 12:01 [IST]

મુંબઈ, 17 ઑક્ટોબર : જેવો કે પીકેની ટીમનો વાયદો હતો, તેમ અનુષ્કા શર્મા પણ પોસ્ટરમાં આમિર ખાનની જેમ ટ્રાંઝિસ્ટર પહેરેલા નજરે પડ્યા છે. આમિર ખાન, રાજકુમાર હીરાણી તથા અનુષ્કા શર્માએ તાજેતરમાં જ પીકેનુ નવુ ડિજિટલ પોસ્ટર રિલીઝ કર્યુ કે જેમાં અનુષ્કા શર્માએ ટ્રાંઝિસ્ટર પહેરેલુ છે. જોકે આમિરના પોસ્ટરની જેમ આ પોસ્ટર એટલુ વિવાદાસ્પદ નથી.

પોસ્ટરમાં અનુષ્કાએ મિલિટ્રીનું યુનિફૉર્મ પહેરી રાખ્યું છે અને તેની ઉપર તેમણે ટ્રાંઝિસ્ટર પહેરેલુ છે. અનુષ્કા શર્માના વાળ નાના-નાના છે. આ પોસ્ટરનો ઇંતેજાર દર્શકો ઘણા સમયથી કરતા હતાં. થોડાક દિવસ અગાઉ કમાલ આર ખાને પણ ટ્વીટ કર્યુ હતું કે અનુષ્કા શર્મા ટુંકમાં જ પોતાનું ટ્રાંઝિસ્ટર વાળુ પોસ્ટર રિલીઝ કરશે.

આમિર ખાને ટ્વીટ કર્યું અને લખ્યું - ઈ દેખ હમાર જગ્ગૂ, ટ્રાંઝિસ્ટર કે સાથ. આ પછી આમિરે અનુષ્કાની ટ્રાંઝિસ્ટર વાળી તસવીર પોસ્ટ કરી.

પીકેના પોસ્ટરો

સૌથી પહેલા આમિર ખાને પીકેનું પહેલુ પોસ્ટર રિલીઝ કર્યુ કે જેમાં તેઓ બૅન્ડ બાજા વાળાના ડ્રેસમાં હતાં અને હાથે ભોંપૂ હતું.

બીજુ પોસ્ટર

પીકેના બીજા પોસ્ટરમાં આમિર ખાન ન્યુડ હતાં. તેમણે એક ટ્રાંઝિસ્ટર વડે પોતાના પ્રાઇવેટ પાર્ટ્સ ઢાંકી રાખ્યા હતાં.

ત્રીજું પોસ્ટર

પીકેના ત્રીજા પોસ્ટરમાં આમિર ખાન તથા સંજય દત્ત બંને બૅન્ડવાળાના ડ્રેસમાં હતાં.

મિલિટ્રી મૅન

પીકેના ચોથા પોસ્ટરમાં આમિર મિલિટ્રીના યુનિફૉર્મમાં દેખાયા હતાં.

અનુષ્કાનું આગમન

પીકેના નવા પોસ્ટરમાં હવે અનુષ્કા શર્માનું આગમન થયું છે. તેમણે મિલિટ્રી યુનિફૉર્મ પહેર્યું છે અને સાથે ટ્રાંઝિસ્ટર પણ છે. આમિરે ટ્વીટ પણ કર્યું કે ઈ દેખ હમારા જગ્ગૂ, ટ્રાંઝિસ્ટર કે સાથ...