મંડોલની બિજલીને મટરૂ આપી રહ્યો છે ટ્યુશન
મુંબઈ, 24 ડિસેમ્બર : યશરાજની મોટી શોધ અનુષ્કા શર્મા આજકાલ આમિર ખાનના ભાણિયા ઇમરાન ખાનની ફેવરિટ વિદ્યાર્થીની બની રહેલ છે અને કહેનારાં કહી રહ્યાં છે કે ઇમરાન ખાન તેમને એટલે કે અનુષ્કાને એક્ટિંગ ટિપ્સ આપી રહ્યાં છે કે જેથી અનુષ્કાએ ઇમરાનના મામા આમિર ખાન સાથે કામ કરવામાં કોઈ મુશ્કેલી ન આવે.
હકીકતમાં અનુષ્કાએ તાજેતરમાં જ આમિર ખાન સાથે એક ફિલ્મ સાઇન કરી છે. તેનું નામ છે પીકે. તેથી ઇમરાનને લાગે છે કે તેમના ફેવરિટ કો-સ્ટાર અનુષ્કાને આમિર સાથે કામ કરવામાં કોઈ મુશ્કેલી ન આવે, તેથી અનુને તેઓ દરેક નાની-નાની બાબતથી વાકેફ કરાવી રહ્યાં છે. આંતરિક સૂત્રોનું કહેવું છે કે અનુષ્કા-ઇમરાન શુટિંગ બાદ કલાકો સુધી સાથે સમય ગાળે છે.
આપને જણાવી દઇએ કે ઇમરાન અને અનુષ્કા હાલ વિશાલ ભારદ્વાજની મટરૂ કી બિજલી કા મંડોલા ફિલ્મમાં કામ કરી રહ્યાં છે. પહેલી વાર અનુષ્કા સાથે કામ કરનાર ઇમરાન ખાને જણાવ્યું હતું કે અનુષ્કા એક ખૂબ જ સારી છોકરી છે. આજના દોરની સેક્સી અને સારી અભિનેત્રીઓમાં તેમની ગણતરી થાય છે. તેમની સાથે કામ કરતા મજા આવી. તેમણે ખૂબ જ ઓછા સમયમાં સારૂ કામ કર્યું છે અને હિટ ફિલ્મો આપી છે.
નોંધનીય છે કે આ અગાઉ ઇમરાન ખાને જણાવ્યું હતું કે મટરૂ કી બિજલી કા મંડોલાના એક સીનમાં તેમને અનુષ્કા સાથે લિપલૉપ સીન આપવાનુ હતું કે જે કરતી વખતે તેઓ ખૂબ નર્વસ થઈ ગયા હતાં. અનેક વાર રીટેક થયુ હતું. એ વાતમાં તો કોઈ શંકા નથી કે મટરૂ કી બિજલી કા મંડોલા ફિલ્મમાં અનુષ્કા ખૂબ હૉટ અંદાજમાં છે અને ઇમરાન સાથે તેમના અનેક ગરમાગરમ સીન્સ છે. વિશાલની આ ફિલ્મમાં પંકજ કપૂર અને શબાના આઝમી પણ છે અને ખાસ કૅરેક્ટર છે ગુલાબો ગાય કે જે માત્ર પંકજ કપૂરને જ દેખાય છે. ફિલ્મમાં ઇમરાન મટરૂ, બિજલી અનુષ્કા અને મંડોલા પંકજ કપૂર છે.