ઓરીજનલ નથી, કૉપી છે બર્ફી
ફિલ્મ પણ કોઈની કૉપી છે. આ ફિલ્મમાં બર્ફીએ જેટલાં પણ ફની સ્ટંટ કર્યાં છે, તે કોઈકે પોતાના ફની એક્ટમાં કર્યા હતાં.
ચાલો આપને જણાવી જ દઇએ કે આખરે એ છે કોણ કે જેની કૉપી કરી છે બર્ફીના મર્ફીએ.
હકીકતમાં ચાર્લી ચેપલિને પોતાના એક ફની એક્ટમાં ઘણાં એવાં કારનામા બતાવ્યા હતાં. દાખલા તરીકે બર્ફીના એક દૃશ્યમાં રણબીર સડી ઉપર ચડી તેને એક છેડાથી બીજા છેડાએ ફેરવે છે.
તે વખતે પોલીસ વાળા તેનો પીછો કરી રહ્યા હોય છે. પછી એક સીનમાં રણબીર કપૂર એક દરવાજાને આમ-તેમ ફેરવી પોલીસ વાળાઓને ખો આપી દે છે. એક બીજા સીનમાં પ્રિયંકા
ચોપરા તેમજ રણબીર કપૂર રોડની સાઇડમાં બેસી રોડ પર એક ખીલી મુકી આવતી ગાડીઓના ટાયર પંક્ચર કરવાની રમત પણ રમે છે. આ બા સીન્સ ચાર્લી ચૈપલનના એક એક્ટમાંથી
કૉપી કરવામાં આવેલાં છે.
આ ઉપરાંત બર્ફીમાં એક સીન એવો છે જેમાં ઇલિયાના ડી'ક્રૂઝના માતા તેને એક જંગલમાં લઈ જઈ એક વ્યક્તિ દાખવે છે, જે લાકડીઓ કાપતી હોય છે. માતા માહિતી આપે છે કે આ
વ્યક્તિ સાથે તેઓ પ્રેમ કરતા હતાં અને તેની સાથે ભાગી જવાના હતાં, પણ તેઓ ભાગી ન શક્યાં અને આજે જ્યારે તેઓ આ વ્યક્તિને લાકડીઓ કાપતાં જુએ છે, તો તેમને લાગે છે કે જો
આ વ્યક્તિ સાથે તેમણે લગ્ન કર્યા હોત, તો તેઓ પોતાની પુત્રીને આ પ્રકારનું જીવન ન આપી શક્યા હોત. આ દૃશ્ય પ્રસિદ્ધ નવલકથા ધ નોટબુક પર બનેલી ફિલ્મમાંથી લેવાયું છે.
હવે પ્રશ્ન એ ઊભો થાય છે કે આટલી જગ્યાએ કૉપી કર્યા પછી પણ અનુરાગ બાસુએ એક બહેતરીન ફિલ્મ તો બનાવી જ છે, પરંતુ શું હવે તેને ઑસ્કારમાં જગ્યા મળશે ખરી? અનુરાગે
બર્ફીમાં કૉપી અંગેના સવાલ પર જણાવ્યું કે જો મેં ચાર્લી ચેપલિનમાંથી પ્રેરણા લીધી હોય, તો તેમાં ખોટું શું છે? હવે અનુરાગને કોઈ સમજાવે કે ભઈસાબ, ઑસ્કાર મેળવવો બાળકોની
રમત નથી. અહીં ઓરીજનલ અને લીકથી હટીને બનેલી ફિલ્મોને જ પુરસ્કૃત કરવામાં આવે છે. કૉપી કન્ટેન્ટને નહિં.
Click it and Unblock the Notifications
Sign in with Google
