Bigg Boss 18 : ડિવોર્સની ચર્ચા વચ્ચે બિગ બોસ 18 માં આવી રહ્યો છે યુઝવેન્દ્ર ચહલ? આ ખેલાડી પણ હોઈ શકે છે સાથે
Bigg Boss 18 : ભારતીય ક્રિકેટર યુઝવેન્દ્ર ચહલ હાલ તેના ડિવોર્સને લઈને ચર્ચામાં છે. અહેવાલો પર વિશ્વાસ કરીએ તો ચહલ જલ્દી તેની વાઈફ ધનશ્રી વર્માને ડિવોર્સ આપી શકે છે.
આ ચર્ચા વચ્ચે હવે અહેવાલો આવી રહ્યાં છે કે યુઝવેન્દ્ર ચહલ જલ્દી બિગ બોસ 18 માં જોવા મળી શકે છે. અહીં તેની સાથે શ્રેયસ અય્યર અને શશાંક સિંહ પણ હોઈ શકે છે.
જો કે શો તરફથી ત્રણેયની એન્ટ્રી અંગે હજુ સુધી કોઈ સત્તાવાર અપડેટ સામે આવ્યા નથી. જો યુઝવેન્દ્ર ચહલ શોમાં આવે છે તો શોની ટીઆરપીને મોટો ફાયદો થઈ શકે છે.
યુઝવેન્દ્ર ચહલ આ દિવસોમાં પોતાના અંગત જીવનને લઈને સમાચારમાં છે. અહેવાલો છે તેની અને ધનશ્રી વચ્ચે અણબનાવ છે અને તેઓ ટૂંક સમયમાં છૂટાછેડા લઈ શકે છે.
આવી સ્થિતિમાં, જો યુઝવેન્દ્ર ચહલ બિગ બોસ 18 માં દેખાય છે, તો તે જોવાનું રસપ્રદ રહેશે કે તે તેના અંગત જીવન સાથે જોડાયેલી બાબતો પર પ્રતિક્રિયા આપે છે કે નહીં.
જણાવી દઈએ કે, યુઝવેન્દ્ર અને ધનશ્રીએ એકબીજાને ઇન્સ્ટાગ્રામ પર અનફોલો કરી દીધા છે. યુઝવેન્દ્ર ચહલે પણ પોતાના ઇન્સ્ટાગ્રામ પરથી ધનશ્રી સાથેના ફોટા ડિલીટ કરી દીધા છે. જો કે, યુઝવેન્દ્ર સાથે ધનશ્રીના કેટલાક ફોટા હજુ પણ ઇન્સ્ટાગ્રામ પર છે.
ધનશ્રીએ બુધવારે રાત્રે એક પોસ્ટ શેર કરી હતી. તેમણે કહ્યું કે છેલ્લા કેટલાક દિવસો તેમના અને તેમના પરિવાર માટે ખૂબ જ મુશ્કેલ રહ્યા છે. ટ્રોલિંગ અને પાયાવિહોણા લેખનને કારણે તે નારાજ છે.
Click it and Unblock the Notifications
Sign in with Google
