Bigg Boss OTT 3 : કોણ છે પૌલોમી પોલો દાસ? કેવી રીતે સાંવલા રંગને ટક્કર આપીને ટીવીની દુનિયામાં નામ બનાવ્યુ?
Bigg Boss OTT 3 : બિગ બોસ ઓટીટીની શરૂઆત થઈ ગઈ છે. આ શોમાં આ વખતે ઘણા એવા ચહેરાઓ છે જે પહેલા નથી દેખાયા.
બિગ બોસ ઓટીટી 3 અનિલ કપૂર હોસ્ટ કરી રહ્યા છે. આમાં ઘણા જાણીતા ચહેરાઓ જોવા મળી રહ્યાં છે. આમાંથી એક પૌલોમી પોલો દાસ છે, જે આજે ટીવી ઇન્ડસ્ટ્રીમાં જાણીતો ચહેરો છે. જો કે, અહીં સુધી પહોંચવા માટે પાઉલોમીને ઘણો સંઘર્ષ કરવો પડ્યો છે.
પૌલોમી પોલો દાસનો જન્મ 5 જાન્યુઆરી 1996ના રોજ કોલકાતામાં થયો હતો. તેમના પિતાનું નામ ગોપાલ ચંદ્ર દાસ અને માતા મનીષા દાસ કેન્સર સર્વાઈવર છે. પૌલોમીએ કોલકાતામાં રહીને પોતાનો અભ્યાસ કર્યો છે.
તેણીએ માર્કેટિંગ મેનેજમેન્ટનો અભ્યાસ કર્યો છે. અભિનેત્રી હોવા ઉપરાંત તે એક મોડલ પણ છે. તેણે આસિસ્ટન્ટ ડિરેક્ટર તરીકે પણ કામ કર્યું. જ્યાં તેના બોસે તેને મોડલિંગ કરવાની સલાહ આપી હતી.
જો કે, મોડલિંગ અને ટીવી ઈન્ડસ્ટ્રી સુધી પહોંચવા તેણીને ઘણી મુશ્કેલીઓનો સામનો કરવો પડ્યો. શરૂઆતમાં પૌલોમીનો પરિવાર તેના નિર્ણયની વિરુદ્ધ હતો, તેઓ ઇચ્છતા હતા કે તેણી માત્ર અભ્યાસ પર ધ્યાન આપે.
આ ઉપરાંત, તેણીનો ડાર્ક સ્કિન ટોન પણ તેના માટે સમસ્યા બન્યો. જેના કારણે તે અસહજ અનુભવતી હતી. તેના શ્યામ રંગને કારણે તેને ઘણી વખત રિજેક્ટ કરવામાં આવી. તેણે ક્યારેય હાર ન માની અને એક દિવસ તેનું નસીબ ચમક્યું.
ઘણી મહેનત પછી પૌલોમી દાસને સ્ટાર પ્લસની ટીવી સીરિયલ સુહાની સી એક લડકીમાં બેબી અને કાર્તિક પૂર્ણિમામાં પૂર્ણિમાની ભૂમિકા મળી, જેમાં અભિનેત્રીએ પોતાના દમદાર અભિનયથી ઘર-ઘરમાં પોતાનું નામ બનાવ્યું.
આ શોની વાર્તા કાળી સ્કીનના લોકો પર આધારિત હતી, જેમને સમાજના ટોણામાંથી પસાર થવું પડતું હતું. આ શોમાં નામ કમાયા બાદ પૌલોમી દાસ નાગિન 6 માં પણ જોવા મળી છે અને આજે તે ટીવી ઈન્ડસ્ટ્રીમાં જાણીતી હસ્તી છે અને મોટી ફેન ફોલોઈંગ છે.
પૌલોમી દાસ 2016 માં ઇન્ડિયાઝ નેક્સ્ટ ટોપ મોડલની બીજી સીઝનમાં સ્પર્ધક તરીકે જોવા મળી હતી, જેમાં તે ફાઇનલિસ્ટ હતી. હવે અભિનેત્રી બિગ બોસ OTT 3માં પોતાનું નસીબ અજમાવવા આવી છે.
Click it and Unblock the Notifications
Sign in with Google
