'હવે મારુ શરીર બદલાઈ ગયુ, હું આને...', બેબી બંપના ફોટોને ટ્રોલ કરનારાને બિપાશા બસુનો જોરદાર જવાબ

બિપાશા અને કરણ જોરદાર બેબી બંપના ફોટા શેર કર્યા બાદ ટ્રોલ થયા હતા. અઠવાડિયા પછી બિપાશાએ હવે તે ટ્રોલર્સને જવાબ આપ્યો છે.

મુંબઈઃ ફિલ્મ અભિનેત્રી બિપાશા બાસુ અને કરણ સિંહ ગ્રોવરે ગયા મહિને તેમના ચાહકો સાથે મમ્મી-પપ્પા બનવાની માહિતી શેર કરી હતી. તેની સાથે અભિનેત્રીએ બેબી બમ્પની તસવીરો પણ શેર કરી હતી. તસવીરોમાં કપલ સફેદ શર્ટમાં સજ્જ હતુ જેમાં બિપાશાના બેબી બમ્પને તેના પતિ કરણ સિંહ ગ્રોવર કિસ કરતા જોવા મળ્યા હતા. જે બાદ બિપાશા અને કરણ જોરદાર ટ્રોલ થયા હતા. અઠવાડિયા પછી બિપાશાએ હવે તે ટ્રોલર્સને જવાબ આપ્યો છે.

જીવનમાં આગળ વધવાની આ જ રીત છે

જ્યારે બેબી બમ્પ ફોટોશૂટ પર ઑનલાઈન ટ્રોલિંગ વિશે પૂછવામાં આવ્યુ ત્યારે બિપાશા બાસુએ કહ્યુ, 'જીવનમાં દરેકને અભિપ્રાય આપવાનો અધિકાર છે પરંતુ હું મારુ જીવન જીવી રહી છુ અને હું હંમેશા તેના પર ધ્યાન કેન્દ્રિત કરીશ. તેમણે 1 ટકા નેગેટીવના બદલે 99 ટકા પૉઝિટિવ વસ્તુઓ પર ધ્યાન કેન્દ્રીત કરવાની જરુર છે, જીવનમાં આગળ વધવાની આ જ રીત છે.'

તમારે શરીરને પ્રેમ કરવો પડશે

બિપાશા બાસુએ કહ્યુ કે, 'તમે જે કંઈ પણ કરો છો કે કહો છો, તેના આધારે તમે બધુ નક્કી ન કરી શકો કે લોકો તમને શું કરવા કે કહેવા માંગે છે. મે મારુ જીવન આ રીતે જીવ્યુ, હું એક પૉઝિટિવ વ્યક્તિ છુ. મારુ માનવુ છે કે તમારે એ શરીરને પ્રેમ કરવો પડશે જેમાં તમે રહો છો.'

'મારુ શરીર બદલાઈ ગયુ, હું એને સેલિબ્રેટ કરવા માંગુ છુ'

બિપાશાએ કહ્યુ કે, જીવનમાં મારી ફિલસૂફી મારી જાતને પ્રેમ કરવાની છે અને તે આ સુંદર શરીરને એક મશીન તરીકે રાખવાના જાદુની આસપાસ છે. જો તમે આ શરીરને સ્વસ્થ નહિ રાખો તો તમે સુખી જીવન જીવી શકતા નથી. તેથી જ શરીર પર ઘણુ ધ્યાન આપવામાં આવે છે. હું જીવનના આ સુંદર તબક્કાની ઉજવણી કરવા માંગુ છુ જ્યારે હું માતા બની રહી છુ અને મારુ શરીર બદલાઈ ગયુ છે. મારે પણ આ ક્ષણ જીવવી છે. હું હજી પણ તે બતાવવા માંગુ છુ કારણ કે આ કાયમ માટે રહેવાનુ નથી.

' હું માત્ર પૉઝિટિવ વસ્તુઓ પર ધ્યાન કેન્દ્રીત કરવા માંગુ છુ'

હું મારી આસપાસની સકારાત્મક બાબતો પર ધ્યાન કેન્દ્રિત કરવાનુ પસંદ કરુ છુ અને મને ચાહકો, મીડિયા, વ્યવસાયના લોકો અને અન્ય લોકો તરફથી ઘણો પ્રેમ મળે છે. હું મારા માર્ગમાં આવેલા પ્રેમ અને શુભેચ્છાઓથી અભિભૂત અનુભવુ છુ. તમને જણાવી દઈએ કે 2015માં તેમની હૉરર ફિલ્મ અલોનના સેટ પર મળ્યા પછી કરણ અને બિપાશાએ એપ્રિલ 2016માં લગ્ન કર્યા પહેલા થોડા સમય માટે ડેટિંગ કર્યુ હતુ.

English summary

bipasha basu gave a befitting reply to the trolls for flaunting baby bump