Alone Poster Out : બિપાશાએ ધર્યો હૉટ એન્ડ સ્કૅરી અવતાર!

Published: Tuesday, December 9, 2014, 15:52 [IST]

મુંબઈ, 9 ડિસેમ્બર : બિપાશા બાસુ વધુ એક હૉરર લવ સ્ટોરીકલ ફિલ્મ કરી રહ્યા છે. ફિલ્મનું નામ છે ઍલોન અને તેનું પોસ્ટર આઉટ થઈ ગયું છે.

Thank u 4 d great response 2 d second poster of #Alone!2words that r constantly being said Stunning n Scary!I like! pic.twitter.com/XuT5lKvk1C
— Bipasha Basu (@bipsluvurself) December 9, 2014

ગત વર્ષે આત્મા અને છેલ્લે ક્રીચર 3ડી જેવી હૉરર ફિલ્મોમાં દેખાઈ ચુકેલા બિપાશા બાસુ ઍલોનમાં કો-જૉઇન્ડ ટ્વિન્સની ભૂમિકા ભજવી રહ્યા છે અને પોસ્ટરમાં તેઓ ખૂબ જ હૉટ તથા સ્કૅરી જણાય છે.

ઍલોન 2007માં આવેલી થાઈ હૉરર ફિલ્મની રીમેક છે. થાઈ ફિલ્મનું પણ આ જ નામ હતું અને તેણે થાઈલૅન્ડમાં ખૂબ કમાણી કરી હતી.

પૅનોરમા સ્ટુડિયોસના બૅનર હેઠળની આ ફિલ્મનું નિર્માણ કુમાર મંગત પાઠક, અભિષેક પાઠક તથા પ્રદીપ અગ્રવાલ કરી રહ્યા છે, જ્યારે ભૂષણ પટેલ તેનું દિગ્દર્શન કરી રહ્યા છે. ભૂષણ રાગિણી એમએમએસ 2 તેમજ 1920 એવિલ રિટર્ન્સ જેવી હૉરર ફિલ્મોનું દિગ્દર્શન કરી ચુક્યાં છે.

ઍલોન ફિલ્મની વધુ એક ખાસિયત એ છે કે ટેલીવિઝન અભિનેતા કરણ સિંહ ગ્રોવર આ ફિલ્મ દ્વારા બૉલીવુડ ડેબ્યુ કરી રહ્યા છે. બિપાશા બાસુ આ ફિલ્મમાં એવી જોડકા બહેનોનો રોલ કરી રહ્યાં છે કે જેમનું શરીર એક છે, પણ માથા બે છે. તેમાંની એક બહેન સારી છે, તો બીજી બહેન ચુડેલની જેમ વરતે છે.

ઍલોન ફિલ્મ આગામી 16મી જાન્યુઆરી, 2015ના રોજ રિલીઝ થવાની છે. બિપાશા બાસુની છેલ્લી ફિલ્મ હમશકલ્સ હતી કે જે ખરાબ રીતે ફ્લૉપ નિવડી હતી.

Published On December 9, 2014