Pics : સાજિદની ‘તમન્ના’ સામે બિપાશાના રિસામણા
મુંબઈ, 30 મે : બિપાશા બાસુ આજકાલ પોતાની આવનાર ફિલ્મ હમશકલ્સના દિગ્દર્શક સાજિદ ખાનથી નારાજ ચાલી રહ્યાં છે. આ ફિલ્મમાં બિપાશા ઉપરાંત બીજી બે અભિનેત્રીઓ તમન્ના ભાટિયા તેમજ એશા ગુપ્તા પણ છે. બિપાશાના રિસામણાનું કારણ ચિર-પરિચિત બતાવાઈ રહ્યું છે.
સૂત્રોના જણાવ્યા મુજબ એક ફિલ્મમાં ત્રણ હીરોઇનો હોય, તો નિર્માતા-દિગ્દર્શકે મુશ્કેલીઓનો સામનો કરવો જ પડે છે. બિપાશાની નારાજગીનું કારણ એ છે કે હમશકલ્સ ફિલ્મમાં તેમના જેવી સીનિયર હીરોઇન હોવા છતાં સાજિદ ખાન ફિલ્મના પ્રમોશનમાં તમન્ના ભાટિયાને વધુ મહત્વ આપી રહ્યાં છે. તમન્નાને જ લીડિંગ એક્ટ્રેસ તરીકે રજૂ કરાઈ રહી છે. તેથી જ તાજેતરમાં એક ટેલીવિઝન શોમાં ફિલ્મના પ્રમોશનમાં બિપાશા બાસુ નહોતા પહોંચ્યાં.
નોંધનીય છે કે સાજિદ ખાને જ તમન્ના ભાટિયાને બૉલીવુડમાં હિમ્મતવાલા ફિલ્મ દ્વારા લૉન્ચ કરી હતી. હિમ્મતવાલા ફ્લૉપ રહી હતી. હવે સાજિદ ખાન તમન્નાના કૅરિયરને નવેસરથી શણગારવાનો પ્રયત્ન કરી રહ્યાં છે અને તેથી જ એશા ગુપ્તા તેમજ બિપાશાની જગ્યાએ તમન્ના ભાટિયા ઉપર વધુ ફોકસ કરી રહ્યાં છે. કહે છે કે એશા ગુપ્તા પણ સાજિદથી નારાજ છે.
જોકે એશા ગુપ્તા પ્રમોશનલ ઇવેંટમાં હાજર રહે છે, પરંતુ બિપાશાની ગેરહાજરી સુચક ગણી શકાય. જુઓ તસવીરો :
હમશકલ્સનું પ્રમોશન
સાજિદ ખાનની આગામી ફિલ્મ હમશકલ્સનું પ્રમોશન પુરજોશમાં ચાલી રહ્યું છે.
બિપાશા ગેરહાજર
હમશકલ્સના પ્રમોશનમાં ફિલ્મની તમામ કાસ્ટ દેખાય છે, પરંતુ એકમાત્ર બિપાશા બાસુ ક્યાંય દેખાતા નથી.
તમન્ના સામે નારાજ બિપાશા
કહે છે કે સાજિદ ખાન પ્રમોશનમાં તમન્ના ભાટિયાને વધુ મહત્વ આપી રહ્યાં છે અને તેથી જ સીનિયર અભિનેત્રી હોવાના નાતે બિપાશા બાસુને લાગી આવ્યું છે.
રામ-રીતેશ-સૈફ
કૉમેડી ફિલ્મ હમશકલ્સના લીડ હીરો રામ કપૂર, રીતેશ દેશમુખ અને સૈફ અલી ખાન પ્રમોશન દરમિયાન પણ ખૂબ મસ્તી કરી રહ્યાં છે.
લોકોને હસાવતા કલાકારો
હમશકલ્સના પ્રમોશન દરમિયાન લોકોને હસાવતા ફિલ્મના કલાકારો.