ચાર્મિંગ સુપર સ્ટાર શશિ કપૂર ગંભીર, આઈસીયૂમાં દાખલ ?

મુંબઈ : 29 નવેમ્બર. બૉલીવુડના મધુર સ્મિત ધરાવતા ચાર્મિંગ સુપર સ્ટાર શશિ કપૂરની હાલત સારી નથી અને તેમને આઈસીયૂમાં દાખલ કરાયાં છે. ટેલીવિઝન ન્યુઝ ચૅનલો તરફથી આવતા સમાચારો મુજબ શશિ કપૂરની સ્થિતિ ગંભીર છે અને તેઓ લાંબાગાળાથી માંદગીમાં સપડાયેલાં છે.

જે સમાચારો ટેલીવિઝન ન્યુઝ ચૅનલોમાંથી આવી રહ્યાં છે તે મુજબ ટ્વિટર પર એક યુઝરે ખબર આપી છે કે શશિ કપૂરને ગંભીર હાલતમાં આઈસીયૂમાં દાખલ કરાયાં છે. જોકે કપૂર પરિવાર તરફથી આ વાતને સમર્થન મળતું નથી.

થોડાંક સમય અગાઉ પણ ટ્વિટર પર કહેવાતુ હતું કે શશિ કપૂર ખૂબ સીરિયસ છે. આ વાત શશિના પૌત્ર આદિત્યે ફગાવી દીધી હતી અને સમગ્ર મીડિયાને આડે હાથ લીધા હતાં. આદિત્યે જણાવ્યુ હતું કે તેમના દાદાને જબરદસ્તી માંદા કહેવાઈ રહ્યા છે. તેઓ સાજા-માજા છે.

નોંધનીય છે કે બૉલીવુડના સ્વર્ણિમ સ્ટાર શશિ કપૂર હાલ 74 વરસના છે. તેઓ છેલ્લા ઘણાં વખતથી માંદગીમાં છે. કહેવાય છે કે તેઓ એકલવાયાપણાનો ભોગ બન્યાં છે. તેઓ બરાબર ચાલી નથી શકતાં અને વ્હીલચૅર પર જ રહે છે.

English summary

Bollywood legend Shashi Kapoor unwell, He Is in ICU sources said.